ປະຖົມມະການ

5 ນີ້​ແມ່ນ​ປຶ້ມ​ປະຫວັດ​ຂອງ​ອາດາມ. ໃນ​ມື້​ທີ່​ພະເຈົ້າ​ສ້າງ​ອາດາມ ເພິ່ນ​ໄດ້​ສ້າງ​ລາວ​ໃຫ້​ຄ້າຍ​ຄື​ກັບ​ເພິ່ນ.+ 2 ເພິ່ນ​ໄດ້​ສ້າງ​ທັງ​ຜູ້​ຊາຍ​ແລະ​ຜູ້​ຍິງ.+ ໃນ​ມື້​ທີ່​ເພິ່ນ​ສ້າງ​ເຂົາເຈົ້າ+ ເພິ່ນ​ໄດ້​ອວຍ​ພອນ​ເຂົາເຈົ້າ ແລະ​ເອີ້ນ​ເຂົາເຈົ້າ​ວ່າມະນຸດ.*

3 ຕອນ​ທີ່​ອາດາມ​ອາຍຸ 130 ປີ​ ລາວ​ມີ​ລູກ​ຊາຍ​ທີ່​ຄ້າຍ​ຄື​ລາວ​ແລະ​ຕັ້ງ​ຊື່​ໃຫ້​ວ່າ​ເຊດ.+ 4 ຫຼັງ​ຈາກ​ເຊດ​ເກີດ​ແລ້ວ ອາດາມ​ມີ​ຊີວິດ​ຕໍ່​ໄປ​ອີກ 800 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 5 ອາດາມ​ຕາຍ​ຕອນ​ອາຍຸ 930 ປີ.+

6 ຕອນ​ທີ່ເຊດອາຍຸ 105 ປີ​ ລາວ​ມີ​ລູກ​ຊາຍ​ຊື່​ເອໂນດ.+ 7 ຫຼັງ​ຈາກ​ເອໂນດ​ເກີດ​ແລ້ວ ເຊດ​ມີ​ຊີວິດ​ຕໍ່​ໄປ​ອີກ 807 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 8 ເຊດ​ຕາຍ​ຕອນ​ອາຍຸ 912 ປີ​.

9 ຕອນ​ທີ່​ເອໂນດ​ອາຍຸ 90 ປີ​ ລາວ​ມີ​ລູກ​ຊາຍ​ຊື່​ເກນານ. 10 ຫຼັງ​ຈາກ​ເກນານ​ເກີດ​ແລ້ວ ເອໂນດ​ມີ​ຊີວິດ​ຕໍ່​ໄປ​ອີກ 815 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 11 ເອໂນດ​ຕາຍ​ຕອນ​ອາຍຸ 905 ປີ​.

12 ຕອນ​ທີ່​ເກນານ​ອາຍຸ 70 ປີ​ ລາວ​ມີ​ລູກ​ຊາຍ​ຊື່​ມາຮາລາເລນ.+ 13 ຫຼັງ​ຈາກ​ມາຮາລາເລນ​ເກີດ​ແລ້ວ ເກນານ​ມີ​ຊີວິດ​ຕໍ່​ໄປ​ອີກ 840 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 14 ເກນານ​ຕາຍ​ຕອນ​ອາຍຸ 91​0 ປີ​.

15 ຕອນ​ທີ່​ມາຮາລາເລນ​ອາຍຸ 65 ປີ​ ລາວ​ມີ​ລູກ​ຊາຍ​ຊື່​ຢາເຣັດ.+ 16 ຫຼັງ​ຈາກ​ຢາເຣັດ​ເກີດ​ແລ້ວ ມາຮາລາເລນ​ມີ​ຊີວິດ​ຕໍ່​ໄປ​ອີກ 830 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 17 ມາຮາລາເລນ​ຕາຍ​ຕອນ​ອາຍຸ 895 ປີ​.

18 ຕອນ​ທີ່​ຢາເຣັດ​ອາຍຸ 162 ປີ​ ລາວ​ມີ​ລູກ​ຊາຍ​ຊື່​ເອໂນກ.+ 19 ຫຼັງ​ຈາກ​ເອໂນກ​ເກີດ​ແລ້ວ ຢາເຣັດ​ມີ​ຊີວິດ​ຕໍ່​ໄປ​ອີກ 800 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 20 ຢາເຣັດ​ຕາຍ​ຕອນ​ອາຍຸ 962 ປີ​.

21 ຕອນ​ທີ່​ເອໂນກ​ອາຍຸ 65 ປີ​ ລາວ​ມີ​ລູກ​ຊາຍ​ຊື່​ເມທູເຊລາ.+ 22 ຫຼັງ​ຈາກ​ເມທູເຊລາ​ເກີດ​ແລ້ວ ເອໂນກ​ໃຊ້​ຊີວິດແບບທີ່​ພະເຈົ້າ​ທ່ຽງ​ແທ້​ພໍ​ໃຈ*ຕໍ່​ໄປ​ອີກ 300 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 23 ເອໂນກ​ຕາຍ​ຕອນ​ອາຍຸ 365 ປີ. 24 ຕະຫຼອດ​ຊີວິດ​ຂອງ​ເອໂນກ ລາວ​ໄດ້​ໃຊ້​ຊີວິດ​ແບບ​ທີ່​ພະເຈົ້າ​ທ່ຽງ​ແທ້​ພໍ​ໃຈ​ສະເໝີ.+ ຈາກ​ນັ້ນ​ກໍ​ບໍ່​ມີ​ຜູ້​ໃດ​ເຫັນ​ລາວ​ອີກ​ເລີຍ ເພາະ​ພະເຈົ້າ​ໄດ້​ເອົາ​ລາວ​ໄປ.+

25 ຕອນ​ທີ່​ເມທູເຊລາ​ອາຍຸ 187 ປີ​ ລາວ​ມີ​ລູກ​ຊາຍ​ຊື່​ລາເມັກ.+ 26 ຫຼັງ​ຈາກ​ລາເມັກ​ເກີດ​ແລ້ວ ເມທູເຊລາ​ມີ​ຊີວິດ​ຕໍ່​ໄປ​ອີກ 782 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 27 ເມທູເຊລາ​ຕາຍ​ຕອນ​ອາຍຸ 9​69 ປີ​.

28 ຕອນ​ທີ່​ລາເມັກ​ອາຍຸ 182 ປີ​ ລາວ​ມີ​ລູກ​ຊາຍ​ຄົນ​ໜຶ່ງ. 29 ລາວ​ຕັ້ງ​ຊື່​ໃຫ້​ລູກ​ຄົນ​ນັ້ນ​ວ່າ​ໂນອາ*+ ແລະ​ເວົ້າ​ວ່າ: “ເຖິງ​ວ່າ​ພະ​ເຢໂຫວາ​ຈະ​ສາບ​ແຊ່ງ​ດິນ ເຮັດ​ໃຫ້​ພວກ​ເຮົາ​ລຳບາກ​ແລະ​ເຮັດ​ວຽກ​ໜັກ ແຕ່​ລູກ​ຄົນ​ນີ້​ຈະ​ຊ່ວຍ​ພວກ​ເຮົາ​ໃຫ້​ສະບາຍ​ຂຶ້ນ.”+ 30 ຫຼັງ​ຈາກ​ໂນອາ​ເກີດ​ແລ້ວ ລາເມັກ​ມີ​ຊີວິດ​ຢູ່​ຕໍ່​ໄປ​ອີກ 595 ປີ. ລາວ​ມີ​ລູກ​ຊາຍ​ແລະ​ລູກ​ສາວ​ອີກ​ຫຼາຍ​ຄົນ. 31 ລາເມັກ​ຕາຍ​ຕອນ​ອາຍຸ 777 ປີ​.

32 ຕອນ​ທີ່​ໂນອາ​ອາຍຸ 500 ປີ​ ລາວ​ມີ​ລູກ​ຊາຍ​ຊື່​ເຊມ+ ຮາມ+ ແລະ​ຢາເຟດ.+