ປັນຍາຈານ
11 ໃຫ້ໂຍນເຂົ້າຈີ່ຂອງເຈົ້າລົງໄປໃນນ້ຳ+ແລະຫຼາຍມື້ຕໍ່ມາເຈົ້າຈະເຈິມັນອີກ.+ 2 ໃຫ້ແບ່ງສ່ວນໜຶ່ງຂອງສິ່ງທີ່ເຈົ້າມີໃຫ້ 7 ຫຼື 8 ຄົນ+ ຍ້ອນເຈົ້າບໍ່ຮູ້ວ່າຄວາມຈິບຫາຍຈະເກີດຂຶ້ນເທິງໂລກຕອນໃດ.
3 ຖ້າຂີ້ເຝື້ອອູ້ມນ້ຳໄວ້ເຕັມ ຝົນກໍຈະຕົກເທິງໂລກ ແລະຖ້າຕົ້ນໄມ້ລົ້ມລົງໄປທາງທິດໃຕ້ຫຼືທາງທິດເໜືອ ມັນກໍຈະນອນຢູ່ບ່ອນນັ້ນແຫຼະ.
4 ຄົນທີ່ມົວແຕ່ເບິ່ງລົມກໍຈະບໍ່ຫວ່ານແນວປູກ ແລະຄົນທີ່ມົວແຕ່ເບິ່ງຂີ້ເຝື້ອກໍຈະບໍ່ໄດ້ເກັບກ່ຽວ.+
5 ຄືກັບທີ່ເຈົ້າບໍ່ຮູ້ວ່າພະລັງຊີວິດ*ເຮັດໃຫ້ກະດູກຂອງແອນ້ອຍໃຫຍ່ຢູ່ໃນທ້ອງຂອງຜູ້ຍິງຖືພາໄດ້ແນວໃດ+ ເຈົ້າກໍບໍ່ເຂົ້າໃຈສິ່ງທີ່ພະເຈົ້າທ່ຽງແທ້ເຮັດ. ເພິ່ນເປັນຜູ້ທີ່ເຮັດໄດ້ທຸກສິ່ງທຸກຢ່າງ.+
6 ໃຫ້ເຈົ້າຫວ່ານແນວປູກໃນຕອນເຊົ້າແລະຢ່າໃຫ້ມືຂອງເຈົ້າຢຸດພັກຈົນກວ່າຈະຮອດຕອນແລງ+ ຍ້ອນເຈົ້າບໍ່ຮູ້ວ່າບ່ອນໃດຊິເກີດຜົນ ຈະບ່ອນນີ້ຫຼືບ່ອນນັ້ນ ຫຼືຈະເກີດຜົນທັງສອງບ່ອນ.
7 ແສງສະຫວ່າງເຮັດໃຫ້ສະບາຍໃຈແລະການໄດ້ເຫັນດວງຕາເວັນກໍເປັນສິ່ງທີ່ດີ. 8 ຖ້າມະນຸດຈະມີອາຍຸຍືນກໍຂໍໃຫ້ລາວມີຄວາມສຸກທຸກໆມື້.+ ແຕ່ລາວຄວນຈື່ໄວ້ວ່າຊີວິດກໍອາດຈະມີຊ່ວງເວລາທີ່ຍາກລຳບາກຫຼາຍຄືກັນ. ທຸກສິ່ງທີ່ຈະເກີດຂຶ້ນກໍບໍ່ມີປະໂຫຍດ.+
9 ຄົນໜຸ່ມເອີ້ຍ ໃຫ້ເຈົ້າມີຄວາມສຸກຕອນທີ່ເຈົ້າຍັງໜຸ່ມແລະໃຫ້ຫົວໃຈຂອງເຈົ້າຍິນດີຕອນທີ່ເຈົ້າຍັງເປັນຄົນໜຸ່ມ. ຖ້າໃຈຂອງເຈົ້າຢາກເຮັດຫຍັງກໍໃຫ້ເຈົ້າເຮັດໂລດ ແລະຖ້າເຈົ້າຢາກໄດ້ຫຍັງກໍໃຫ້ເຈົ້າພະຍາຍາມເອົາໂລດ ແຕ່ໃຫ້ເຈົ້າຮູ້ໄວ້ວ່າພະເຈົ້າທ່ຽງແທ້ຈະໃຫ້ເຈົ້າຮັບຜິດຊອບທຸກສິ່ງທີ່ເຈົ້າເຮັດ.*+ 10 ຄັນຊັ້ນ ໃຫ້ເຈົ້າກຳຈັດທຸກສິ່ງທີ່ເຮັດໃຫ້ເກີດບັນຫາຈາກໃຈຂອງເຈົ້າແລະໃຫ້ກຳຈັດສິ່ງທີ່ເປັນອັນຕະລາຍຈາກຮ່າງກາຍຂອງເຈົ້າ ຍ້ອນຄວາມເປັນໜຸ່ມແລະຊ່ວງເວລາທີ່ເຈົ້າມີເຫື່ອແຮງຫຼາຍຈະຢູ່ກັບເຈົ້າບໍ່ດົນ.+