ເອຊາຢາ
20 ໃນປີທີ່ສາໂກນກະສັດຂອງອັດຊີເຣຍສົ່ງຫົວໜ້າກອງທັບສູງສຸດ*ໄປໂຈມຕີເມືອງອາຊະໂດດ+ແລະຍຶດເອົາເມືອງນັ້ນ+ 2 ພະເຢໂຫວາໄດ້ບອກເອຊາຢາ+ລູກຊາຍຂອງອາມອດວ່າ: “ໃຫ້ເຈົ້າແກ້ຜ້າເນື້ອຫຍາບທີ່ໃສ່ອອກແລະໃຫ້ປົດເກີບພ້ອມ.” ເອຊາຢາກໍເຮັດຕາມ. ລາວນຸ່ງແຕ່ເສື້ອໂຕທາງໃນແລະຍ່າງປະຕີນເປົ່າ.
3 ຈາກນັ້ນ ພະເຢໂຫວາກໍເວົ້າວ່າ: “ເອຊາຢາຜູ້ຮັບໃຊ້ຂອງເຮົານຸ່ງແຕ່ເສື້ອໂຕທາງໃນແລະຍ່າງປະຕີນເປົ່າ 3 ປີ ເພື່ອເປັນສັນຍະລັກ+ແລະເປັນສິ່ງທີ່ເຕືອນວ່າຈະເກີດຫຍັງຂຶ້ນກັບເອຢິບ+ແລະເອທິໂອເປຍ.+ 4 ກະສັດອັດຊີເຣຍຈະເອົາພວກເອຢິບກັບພວກເອທິໂອເປຍທີ່ລາວຈັບໄດ້ນັ້ນໄປເປັນຊະເລີຍ+ ເຊິ່ງລວມທັງເດັກນ້ອຍແລະຜູ້ເຖົ້າ. ລາວຈະໃຫ້ເຂົາເຈົ້າໃສ່ເສື້ອໂຕທາງໃນທີ່ຕັດຮອດແອວໃຫ້ເຫັນກົ້ນແລະຍ່າງປະຕີນເປົ່າ. ລາວຈະເຮັດໃຫ້ເອຢິບອັບອາຍ. 5 ຜູ້ທີ່ເພິ່ງເອທິໂອເປຍແລະຍົກຍ້ອງຄວາມງາມຂອງເອຢິບຈະຢ້ານຫຼາຍແລະຈະຕ້ອງອັບອາຍ. 6 ໃນຕອນນັ້ນ ຜູ້ທີ່ອາໄສຢູ່ຕາມແຄມຝັ່ງທະເລຈະເວົ້າວ່າ ‘ເບິ່ງສິ່ງທີ່ກະສັດອັດຊີເຣຍເຮັດກັບ 2 ປະເທດນີ້ແມ້. ພວກເຮົາຢາກໃຫ້ເຂົາເຈົ້າຊ່ວຍແລະປົກປ້ອງ ແຕ່ເຂົາເຈົ້າພັດເຈິແນວນີ້ຊ້ຳ! ແລ້ວພວກເຮົາຊິລອດໄດ້ຈັ່ງໃດ?’”