ນາງຣຸດ
4 ໂບອາດໄດ້ໄປປະຕູເມືອງ+ແລະນັ່ງຢູ່ຫັ້ນ. ເມື່ອພີ່ນ້ອງທີ່ມີສິດໄຖ່+ນັ້ນຍ່າງກາຍມາ ໂບອາດຈຶ່ງເວົ້າກັບລາວວ່າ: “ມາພີ້ກ່ອນ.” ລາວກໍຍ່າງມາຫາແລະນັ່ງລົງ. 2 ຈາກນັ້ນ ໂບອາດກໍເຊີນພວກຜູ້ນຳ+ 10 ຄົນຂອງເມືອງນັ້ນມາ ແລະລາວບອກເຂົາເຈົ້າວ່າ: “ເຊີນມານັ່ງຢູ່ນີ້.” ແລ້ວເຂົາເຈົ້າກໍນັ່ງລົງ.
3 ໂບອາດເວົ້າກັບພີ່ນ້ອງທີ່ມີສິດໄຖ່+ວ່າ: “ນາໂອມີທີ່ກັບມາຈາກໂມອາບ+ຈຳເປັນຕ້ອງຂາຍນາຂອງເອລີເມເລັກ+ ເຊິ່ງເປັນພີ່ນ້ອງຂອງພວກເຮົາ. 4 ດັ່ງນັ້ນ ຂ້ອຍຄິດວ່າຄວນບອກເລື່ອງນີ້ໃຫ້ເຈົ້າຮູ້ ແລະຢາກບອກເຈົ້າວ່າ ‘ໃຫ້ຊື້ໄວ້ຕໍ່ໜ້າຄົນໃນເມືອງແລະຕໍ່ໜ້າພວກຜູ້ນຳຂອງເຮົາ.+ ຖ້າເຈົ້າຢາກໄຖ່ກໍໄຖ່ ແຕ່ຖ້າເຈົ້າບໍ່ຢາກໄຖ່ກໍຂໍໃຫ້ບອກຂ້ອຍ ເພາະເຈົ້າເປັນພີ່ນ້ອງຄົນທຳອິດທີ່ມີສິດໄຖ່ກ່ອນ ແລະຂ້ອຍເປັນຄົນຕໍ່ມາ.’” ລາວຕອບວ່າ: “ຂ້ອຍຢາກໄຖ່.”+ 5 ແລ້ວໂບອາດກໍເວົ້າວ່າ: “ໃນມື້ທີ່ເຈົ້າຊື້ນາຈາກນາໂອມີ ເຈົ້າກໍຕ້ອງຊື້ຈາກຣຸດຄົນໂມອາບຄືກັນທີ່ເປັນເມຍຂອງລູກຊາຍລາວທີ່ຕາຍໄປແລ້ວ ເພື່ອຮັກສາມໍລະດົກຂອງຜູ້ຕາຍໄວ້ໃຫ້ຕົກທອດໄປຮອດລູກຮອດຫຼານ.”+ 6 ພີ່ນ້ອງຄົນນັ້ນຈຶ່ງເວົ້າວ່າ: “ຄັນຊັ້ນ ຂ້ອຍກໍໄຖ່ນານັ້ນບໍ່ໄດ້ດອກ ເພາະຖ້າເຮັດແບບນັ້ນ ມັນຈະມີຜົນກະທົບຕໍ່ມໍລະດົກຂອງຂ້ອຍ. ຂ້ອຍໃຫ້ສິດເຈົ້າເປັນຄົນໄຖ່ນານັ້ນໄວ້ ເພາະຂ້ອຍໄຖ່ບໍ່ໄດ້ແທ້ໆ.”
7 ຕາມທຳນຽມຂອງອິດສະຣາເອນໃນສະໄໝນັ້ນກ່ຽວກັບສິດໃນການໄຖ່ແລະການໂອນກຳມະສິດ ເພື່ອໃຫ້ທຸກສິ່ງຖືກຕ້ອງແມ່ນຕ້ອງເຮັດແບບນີ້: ຝ່າຍໜຶ່ງຕ້ອງປົດເກີບກິ່ງໜຶ່ງ+ຂອງລາວໃຫ້ອີກຝ່າຍໜຶ່ງ. ວິທີນີ້ເປັນການຢືນຢັນຂໍ້ຕົກລົງທີ່ເຮັດໃນອິດສະຣາເອນສະໄໝນັ້ນ. 8 ເມື່ອຜູ້ມີສິດໄຖ່ເວົ້າກັບໂບອາດວ່າ: “ໃຫ້ເຈົ້າຊື້ນາໄວ້ເອງໂລດ” ລາວກໍປົດເກີບກິ່ງໜຶ່ງໃຫ້ພ້ອມ. 9 ແລ້ວໂບອາດກໍເວົ້າກັບພວກຜູ້ນຳແລະທຸກຄົນທີ່ຢູ່ຫັ້ນວ່າ: “ມື້ນີ້ໃຫ້ພວກເຈົ້າເປັນພະຍານ+ນຳກັນວ່າ ຂ້ອຍຊື້ທຸກຢ່າງ ທີ່ເປັນຂອງເອລີເມເລັກ ແລະກີລີໂອນກັບມາໂລນຈາກນາໂອມີແລ້ວ. 10 ນອກຈາກນັ້ນ ຂ້ອຍຍັງໄດ້ເອົາຣຸດຜູ້ຍິງຄົນໂມອາບທີ່ເປັນເມຍຂອງມາໂລນມາເປັນເມຍຂອງຂ້ອຍນຳອີກ ເພື່ອລາວຈະມີລູກໄວ້ສືບຕະກູນແລະສືບມູນມໍລະດົກຂອງຄົນທີ່ຕາຍ+ ເພື່ອຍາດຕິພີ່ນ້ອງແລະຄົນໃນບ້ານເກີດຂອງລາວຈະບໍ່ລືມຊື່ລາວ. ມື້ນີ້ພວກເຈົ້າເປັນພະຍານໃຫ້ຂ້ອຍແລ້ວ.”+
11 ທຸກຄົນທີ່ຢູ່ປະຕູເມືອງແລະພວກຜູ້ນຳກໍເວົ້າວ່າ: “ພວກເຮົາເປັນພະຍານ. ຂໍໃຫ້ພະເຢໂຫວາອວຍພອນເມຍທີ່ຈະເຂົ້າມາຢູ່ໃນເຮືອນຂອງເຈົ້າໃຫ້ເປັນຄືກັບຣາເຄນແລະເລອາ ເຊິ່ງພວກອິດສະຣາເອນເກີດມາຈາກ 2 ຄົນນີ້.+ ຂໍໃຫ້ເຈົ້າຈະເລີນຮຸ່ງເຮືອງໃນເມືອງເອຟຣາທາ+ ແລະມີຊື່ສຽງທີ່ດີໃນເມືອງເບັດເລເຮັມ.+ 12 ຂໍໃຫ້ລູກຫຼານທີ່ພະເຢໂຫວາຈະໃຫ້ເຈົ້າໂດຍທາງຜູ້ຍິງຄົນນີ້+ເຮັດໃຫ້ລູກຫຼານຂອງເຈົ້າເປັນຄືກັບລູກຫຼານຂອງເປເຣດ+ລູກຊາຍຂອງຕາມາກັບຢູດາ.”
13 ໂບອາດແຕ່ງດອງກັບຣຸດ ແລ້ວລາວກໍໄປນອນນຳຣຸດ ແລະພະເຢໂຫວາໄດ້ໃຫ້ຣຸດຖືພາແລະເກີດລູກເປັນຜູ້ຊາຍ. 14 ພວກຜູ້ຍິງເວົ້າກັບນາໂອມີວ່າ: “ຂໍໃຫ້ພະເຢໂຫວາໄດ້ຮັບການສັນລະເສີນ. ພະອົງບໍ່ປ່ອຍໃຫ້ເຈົ້າຂາດເຊື້ອສາຍໃນມື້ນີ້. ຂໍໃຫ້ເດັກນ້ອຍຄົນນີ້ມີຊື່ສຽງໄປທົ່ວອິດສະຣາເອນ! 15 ລາວ*ເຮັດໃຫ້ເຈົ້າໄດ້ຊີວິດໃໝ່ ແລະຈະເບິ່ງແຍງເຈົ້າຕອນທີ່ເຈົ້າເຖົ້າ ເພາະລາວເກີດຈາກລູກໃພ້ທີ່ຮັກເຈົ້າ+ ແລະສຳລັບເຈົ້າ ຣຸດກໍດີກວ່າລູກຊາຍ 7 ຄົນ.” 16 ນາໂອມີກໍເອົາເດັກນ້ອຍນັ້ນມາອູ້ມ ແລະລາວໄດ້ລ້ຽງເດັກນ້ອຍຄົນນັ້ນ. 17 ພວກຜູ້ຍິງທີ່ເປັນເພື່ອນບ້ານໄດ້ຕັ້ງຊື່ໃຫ້ເດັກນ້ອຍນັ້ນ. ເຂົາເຈົ້າເວົ້າວ່າ: “ນາໂອມີໄດ້ລູກຊາຍແລ້ວ” ແລະເຂົາເຈົ້າຕັ້ງຊື່ລາວວ່າໂອເບັດ.*+ ໂອເບັດມີລູກຊາຍຊື່ເຢຊີ.+ ເຢຊີມີລູກຊາຍຊື່ດາວິດ.
18 ເຊື້ອສາຍຂອງດາວິດເລີ່ມຈາກເປເຣດ.+ ເປເຣດມີລູກຊາຍຊື່ເຮຊະໂຣນ+ 19 ເຮຊະໂຣນມີລູກຊາຍຊື່ຣາມ ຣາມມີລູກຊາຍຊື່ອຳມີນາດາບ+ 20 ອຳມີນາດາບ+ມີລູກຊາຍຊື່ນາໂຊນ ນາໂຊນມີລູກຊາຍຊື່ຊັນໂມນ 21 ຊັນໂມນມີລູກຊາຍຊື່ໂບອາດ ໂບອາດມີລູກຊາຍຊື່ໂອເບັດ 22 ໂອເບັດມີລູກຊາຍຊື່ເຢຊີ+ ເຢຊີມີລູກຊາຍຊື່ດາວິດ.+