5 ເຣໂຮໂບອາມ​ບອກ​ເຂົາ​ເຈົ້າ​ວ່າ: “ກັບ​ເມືອ​ກ່ອນ ອີກ 3 ມື້​ຈຶ່ງ​ມາ​ຫາ​ຂ້ອຍ​ໃໝ່.” ແລ້ວ​ປະຊາຊົນ​ກໍ​ພາກັນ​ເມືອ.+ 6 ຈາກ​ນັ້ນ ກະສັດ​ເຣໂຮໂບອາມ​ຈຶ່ງ​ໄປ​ປຶກສາພວກ​ຜູ້​ເຖົ້າ*ທີ່​ເຄີຍ​ຮັບ​ໃຊ້ໂຊໂລໂມນພໍ່​ຂອງ​ລາວ. ລາວ​ຖາມ​ວ່າ: “ພວກ​ເຈົ້າ​ຈະ​ແນະນຳ​ຂ້ອຍ​ໃຫ້​ຕອບ​ປະຊາຊົນ​ແນວ​ໃດ?” 7 ເຂົາ​ເຈົ້າ​ບອກ​ວ່າ: “ຖ້າ​ມື້​ນີ້​ທ່ານ​ຍອມ​ຮັບ​ໃຊ້​ປະຊາຊົນ ຍອມ​ເຮັດ​ຕາມ​ສິ່ງ​ທີ່​ເຂົາ​ເຈົ້າ​ຂໍ ແລະເວົ້າ​ກັບ​ເຂົາ​ເຈົ້າ​ດີ​ໆ​ ເຂົາ​ເຈົ້າ​ກໍ​ຈະ​ຮັບ​ໃຊ້​ທ່ານ​ຕະຫຼອດໄປ.”