-
ມາຣະໂກ 1:2-4ຄຳພີໄບເບິນສະບັບແປໂລກໃໝ່
-
-
2 ຜູ້ພະຍາກອນເອຊາຢາ*ຂຽນໄວ້ວ່າ: “(ຖ້າເບິ່ງເດີ້! ເຮົາຈະໃຫ້ຜູ້ສົ່ງຂ່າວຂອງເຮົາໄປກ່ອນເຈົ້າ. ລາວຈະກຽມທາງໄວ້ໃຫ້ເຈົ້າ.)+ 3 ມີສຽງຮ້ອງອອກມາຈາກບ່ອນກັນດານວ່າ ‘ໃຫ້ກຽມທາງໄວ້ສຳລັບພະເຢໂຫວາ.* ໃຫ້ເຮັດທາງຂອງເພິ່ນໃຫ້ຊື່ໆ.’”+ 4 ແລ້ວໂຢຮັນຜູ້ໃຫ້ບັບເຕມາກໍມາປະກາດຢູ່ບ່ອນກັນດານ. ລາວບອກໃຫ້ຄົນຮັບບັບເຕມາເພື່ອສະແດງວ່າເຂົາເຈົ້າກັບໃຈ ແລ້ວພະເຈົ້າຈະຍົກໂທດຄວາມຜິດຂອງເຂົາເຈົ້າ.+
-
-
ລູກາ 3:3-6ຄຳພີໄບເບິນສະບັບແປໂລກໃໝ່
-
-
3 ໂຢຮັນຈຶ່ງໄປທົ່ວເຂດແມ່ນ້ຳຈໍແດນແລະປະກາດໃຫ້ຄົນຮັບບັບເຕມາເພື່ອສະແດງວ່າເຂົາເຈົ້າກັບໃຈ ແລ້ວພະເຈົ້າຈະຍົກໂທດຄວາມຜິດຂອງເຂົາເຈົ້າ.+ 4 ເລື່ອງນີ້ເປັນໄປຕາມທີ່ຂຽນໄວ້ໃນປຶ້ມຂອງຜູ້ພະຍາກອນເອຊາຢາທີ່ວ່າ: “ມີສຽງຮ້ອງອອກມາຈາກບ່ອນກັນດານວ່າ ‘ໃຫ້ກຽມທາງໄວ້ສຳລັບພະເຢໂຫວາ.* ໃຫ້ເຮັດທາງຂອງເພິ່ນໃຫ້ຊື່ໆ.+ 5 ຮ່ອມພູທຸກບ່ອນຕ້ອງຖົມໃຫ້ເຕັມ ພູແລະໂນນພູທຸກໜ່ວຍຕ້ອງເຮັດໃຫ້ພຽງ ທາງຄົດລ້ຽວຕ້ອງເຮັດໃຫ້ຊື່ ແລະບ່ອນທີ່ມີຂຸມຕ້ອງປັບໃຫ້ລຽບ. 6 ມະນຸດທຸກຄົນຈະໄດ້ເຫັນການຊ່ວຍໃຫ້ລອດຈາກພະເຈົ້າ.’”+
-