7 ເມື່ອ​ເຈົ້າ​ເຂົ້າ​ໄປ​ຢູ່​ໃນ​ແຜ່ນດິນ​ທີ່​ພະ​ເຢໂຫວາ​ພະເຈົ້າ​ຂອງ​ເຈົ້າ​ຊິ​ເອົາ​ໃຫ້​ເຈົ້າ​ແລ້ວ ຖ້າ​ໃນ​ເມືອງ​ທີ່​ເຈົ້າ​ຢູ່​ມີ​ພີ່​ນ້ອງ​ຂອງ​ເຈົ້າ​ກາຍ​ເປັນ​ຄົນ​ທຸກ​ຍາກ ຢ່າ​ໃຈ​ດຳ​ແລະ​ບໍ່​ຊ່ວຍເຫຼືອ​ລາວ.+ 8 ເຈົ້າ​ຕ້ອງ​ເອື້ອເຟື້ອ​ແລະ​ຊ່ວຍເຫຼືອ​ລາວ.+ ໃຫ້​ລາວ​ຢືມ​ສິ່ງ​ທີ່​ຈຳເປັນ.

35 ຕອນ​ທີ່​ຂ້ອຍ​ຫິວ​ເຂົ້າ ພວກ​ເຈົ້າ​ກໍ​ເອົາ​ເຂົ້າ​ໃຫ້​ຂ້ອຍ​ກິນ. ຕອນ​ທີ່​ຂ້ອຍ​ຫິວ​ນ້ຳ ພວກ​ເຈົ້າ​ກໍ​ເອົາ​ນ້ຳ​ໃຫ້​ຂ້ອຍ​ກິນ. ຕອນ​ທີ່​ຂ້ອຍ​ເປັນ​ແຂກ​ແປກ​ໜ້າ ພວກ​ເຈົ້າ​ກໍ​ມີ​ນ້ຳໃຈ​ຕ້ອນຮັບ​ຂ້ອຍ​ເຂົ້າ​ມາ​ໃນ​ເຮືອນ.+ 36 ຕອນ​ທີ່​ຂ້ອຍ​ບໍ່​ມີ​ເຄື່ອງ​ນຸ່ງ​ໃສ່ ພວກ​ເຈົ້າ​ກໍ​ເອົາ​ເຄື່ອງ​ນຸ່ງ​ໃຫ້.+ ຕອນ​ທີ່​ຂ້ອຍ​ບໍ່​ສະບາຍ ພວກ​ເຈົ້າ​ກໍ​ເບິ່ງແຍງ ແລະ​ຕອນ​ທີ່​ຂ້ອຍ​ຕິດ​ຄຸກ ພວກ​ເຈົ້າ​ກໍ​ມາ​ຢາມ.’+

11 ໂຢຮັນ​ຕອບ​ເຂົາເຈົ້າ​ວ່າ: “ໃຫ້​ຄົນ​ທີ່​ມີ​ເສື້ອ 2 ໂຕ​ແບ່ງ​ໃຫ້​ຄົນ​ທີ່​ບໍ່​ມີ ແລະ​ໃຫ້​ຄົນ​ທີ່​ມີ​ຂອງກິນ​ແບ່ງ​ໃຫ້​ຄົນ​ທີ່​ບໍ່​ມີ.”+

13 ໃຫ້​ຊ່ວຍ​ພີ່ນ້ອງ*​ທີ່​ຕ້ອງການ​ຄວາມ​ຊ່ວຍ​ເຫຼືອ.+ ໃຫ້​ມີ​ນ້ຳໃຈ​ຕ້ອນຮັບ​ແຂກ.+

4 ແຕ່​ຖ້າ​ແມ່ໝ້າຍ​ຄົນ​ໃດ​ມີ​ລູກ​ຫຼື​ຫຼານ ກໍ​ໃຫ້​ລູກ​ຫຼື​ຫຼານ​ສະແດງ​ຄວາມ​ນັບຖື​ພະເຈົ້າ​ສຸດ​ຫົວໃຈ​ໂດຍ​ຮູ້ຈັກ​ເບິ່ງແຍງ​ຄອບຄົວ​ຂອງ​ໂຕເອງ​ກ່ອນ+ ແລະ​ຮູ້ຈັກ​ຕອບ​ແທນ​ບຸນຄຸນ​ພໍ່​ແມ່​ແລະ​ພໍ່ຕູ້​ແມ່ຕູ້+ ຍ້ອນ​ພະເຈົ້າ​ພໍໃຈ​ທີ່​ພວກ​ເຮົາ​ເຮັດ​ແບບ​ນັ້ນ.+

27 ການ​ນະມັດສະການ*​ທີ່​ສະອາດ​ແລະ​ບໍລິສຸດ​ຕາມ​ຄວາມ​ຄິດ​ຂອງ​ພະເຈົ້າ​ພໍ່​ຂອງ​ພວກ​ເຮົາ​ແມ່ນ ໃຫ້​ເບິ່ງແຍງ​ລູກ​ກຳພ້າ+​ກັບ​ແມ່ໝ້າຍ+​ທີ່​ທຸກຍາກ+ ແລະ​ຮັກສາ​ໂຕ​ໃຫ້​ສະອາດ​ຈາກ​ແນວ​ທີ່​ບໍ່​ດີ​ຂອງ​ໂລກ​ນີ້.+

17 ຖ້າ​ຜູ້​ໃດ​ມີ​ຊັບສິນ​ເງິນ​ຄຳ​ທີ່​ຈະ​ຊ່ວຍ​ຄົນ​ອື່ນ​ໄດ້​ແລະ​ເຫັນ​ພີ່ນ້ອງ​ຂັດສົນ ແຕ່​ກໍ​ຍັງ​ໃຈ​ດຳ​ບໍ່​ຍອມ​ສະແດງ​ຄວາມ​ເອື້ອເຟື້ອ ຊິ​ເວົ້າ​ໄດ້​ແນວ​ໃດ​ວ່າ​ລາວ​ຮັກ​ພະເຈົ້າ?+