ສຸພາສິດ
17 ກິນເຂົ້າຈີ່ແຫ້ງໆປ່ຽງໜຶ່ງໃນບ່ອນທີ່ມີຄວາມສະຫງົບສຸກ*+
ກໍດີກວ່າຢູ່ໃນເຮືອນທີ່ມີງານລ້ຽງໃຫຍ່*ແຕ່ມີການຜິດຖຽງກັນ.+
2 ຄົນຮັບໃຊ້ທີ່ມີຄວາມເຂົ້າໃຈຈະປົກຄອງລູກຊາຍຂອງເຈົ້ານາຍທີ່ເຮັດສິ່ງທີ່ເປັນຕາອາຍ.
ລາວຈະໄດ້ຮັບມໍລະດົກຄືກັບເປັນລູກຄົນໜຶ່ງຂອງເຈົ້ານາຍ.
3 ເງິນແລະຄຳຖືກຫຼອມຢູ່ໃນໄຟເພື່ອເອົາຂີ້ແຮ່ອອກ+
ແຕ່ພະເຢໂຫວາເປັນຜູ້ກວດເບິ່ງຫົວໃຈຂອງແຕ່ລະຄົນ.+
4 ຄົນຊົ່ວມັກຟັງຄຳເວົ້າທີ່ເຈັບໆ
ແລະຄົນຫຼອກລວງມັກຟັງເລື່ອງເສຍໆຫາຍໆທີ່ຄົນອື່ນເວົ້າ.+
5 ຄົນທີ່ເຍາະເຍີ້ຍຄົນທຸກກໍດູຖູກຜູ້ສ້າງຂອງລາວ.+
ຄົນທີ່ມີຄວາມສຸກເມື່ອເຫັນຄົນອື່ນມີຄວາມທຸກຈະຖືກລົງໂທດ.+
7 ບໍ່ມີໃຜຄິດວ່າຄົນໂງ່ຊິເວົ້າສິ່ງທີ່ມີຄວາມໝາຍເລິກເຊິ່ງ+
ແລະແຮ່ງບໍ່ມີໃຜຄິດວ່າຜູ້ປົກຄອງ*ຈະເວົ້າຕົວະ.+
8 ຂອງຂວັນເປັນຄືກັບເພັດນິນຈິນດາສຳລັບຜູ້ທີ່ເອົາໃຫ້.+
ບໍ່ວ່າລາວຈະໄປໃສ ລາວກໍຈະປະສົບຄວາມສຳເລັດ.+
9 ຄົນທີ່ຍົກໂທດ*ຄວາມຜິດໃຫ້ຄົນອື່ນກໍຊອກຫາຄວາມຮັກ+
ແຕ່ຄົນທີ່ເອົາຄວາມຜິດເກົ່າມາເວົ້າຕະຫຼອດກໍເຮັດໃຫ້ໝູ່ສະໜິດແຕກແຍກກັນ.+
11 ຄົນຊົ່ວຄິດແຕ່ຈະກະບົດຕະຫຼອດ
ແຕ່ຈະມີຜູ້ສົ່ງຂ່າວທີ່ໂຫດຫ້ຽມຖືກສົ່ງໄປລົງໂທດລາວ.+
12 ເຈິແມ່ໝີທີ່ຫວງລູກ
ກໍດີກວ່າເຈິຄົນໂງ່ທີ່ເຮັດແຕ່ແນວໂງ່ໆ.+
13 ຖ້າຜູ້ໃດເຮັດຊົ່ວຕອບແທນຄວາມດີ
ຄວາມຊົ່ວຈະບໍ່ອອກໄປຈາກເຮືອນຂອງລາວເລີຍ.+
14 ການຫາເລື່ອງຜິດຖຽງກັນເປັນຄືກັບການເປີດປະຕູນ້ຳ.*
ໃຫ້ເຈົ້າອອກໄປຈາກບ່ອນນັ້ນກ່ອນທີ່ຈະຜິດຖຽງກັນຢ່າງຮຸນແຮງ.+
15 ພະເຢໂຫວາຊັງຄົນທີ່ຊ່ວຍຄົນຊົ່ວໃຫ້ພົ້ນຜິດ+
ແລະຊັງຄົນທີ່ລົງໂທດຄົນທີ່ເຮັດສິ່ງທີ່ຖືກຕ້ອງ.
16 ເຖິງວ່າຄົນໂງ່ຈະຮູ້ວິທີໄດ້ສະຕິປັນຍາ ແຕ່ກໍບໍ່ມີປະໂຫຍດຫຍັງ
17 ໝູ່ແທ້ສະແດງຄວາມຮັກສະເໝີ+
ແລະເປັນຄືກັບອ້າຍນ້ອງທີ່ເກີດມາເພື່ອຊ່ວຍກັນໃນຍາມທີ່ຍາກລຳບາກ.+
18 ຄົນທີ່ບໍ່ຮູ້ຈັກຄິດໄປເຮັດສັນຍາຄ້ຳປະກັນໃຫ້ຄົນອື່ນ
ແລະລາວເຮັດແບບນັ້ນຕໍ່ໜ້າເພື່ອນບ້ານຂອງລາວ.+
19 ຄົນທີ່ມັກໄປມີສ່ວນຮ່ວມໃນການຜິດຖຽງກັນຈະເຮັດຜິດ+
ແລະຄົນທີ່ມີແຕ່ເວົ້າອວດ*ກໍຊອກຄວາມຈິບຫາຍມາໃຫ້ໂຕເອງ.+
21 ພໍ່ທີ່ມີລູກໂງ່ຈະເສົ້າໃຈ
ແລະພໍ່ທີ່ມີລູກບໍ່ຮູ້ຈັກຄິດຈະບໍ່ມີຄວາມສຸກເລີຍ.+
23 ຄົນຊົ່ວຮັບສິນບົນແບບລັບໆ
ເພື່ອເຮັດສິ່ງທີ່ບໍ່ຍຸຕິທຳ.+
26 ການລົງໂທດ*ຄົນທີ່ເຮັດສິ່ງທີ່ຖືກຕ້ອງບໍ່ແມ່ນສິ່ງທີ່ດີ
ແລະການເອົາແສ້ຟາດຄົນທີ່ມີກຽດກໍບໍ່ແມ່ນສິ່ງທີ່ຖືກຕ້ອງ.
28 ແມ່ນແຕ່ຄົນໂງ່ທີ່ມິດຢູ່ກໍຍັງເບິ່ງຄືເປັນຄົນສະຫຼາດ
ແລະຄົນທີ່ບໍ່ເວົ້າຫຍັງກໍເບິ່ງຄືເປັນຄົນທີ່ມີຄວາມເຂົ້າໃຈ.