ຈົດໝາຍສະບັບທຳອິດເຖິງຕີໂມທຽວ
4 ພະລັງຂອງພະເຈົ້າບອກຢ່າງຊັດເຈນວ່າ ໃນອະນາຄົດຈະມີບາງຄົນຖິ້ມຄວາມເຊື່ອຍ້ອນປ່ຽນໄປສົນໃຈຄຳເວົ້າຫຼອກລວງທີ່ເບິ່ງຄືວ່າມາຈາກພະເຈົ້າ+ ແລະໄປສົນໃຈຄຳສອນຂອງພວກປີສາດ. 2 ເຂົາເຈົ້າຟັງຄຳຕົວະຂອງຄົນຫຼອກລວງ+ ເຊິ່ງໃຈຮູ້ຜິດຮູ້ຖືກຂອງຄົນເຫຼົ່ານັ້ນດ້ານຄືກັບຜິວໜັງທີ່ຖືກເຫຼັກຮ້ອນໆດາດຈົນຕາຍດ້ານ. 3 ພວກຄົນຫຼອກລວງຫ້າມບໍ່ໃຫ້ແຕ່ງດອງ+ ຫ້າມບໍ່ໃຫ້ກິນຂອງກິນບາງຢ່າງ+ທີ່ພະເຈົ້າສ້າງໄວ້ໃຫ້ຄົນເຮົາກິນ+ ເຊິ່ງຄົນທີ່ມີຄວາມເຊື່ອແລະຮູ້ຈັກຄວາມຈິງຢ່າງຖືກຕ້ອງຈະກິນດ້ວຍຄວາມຂອບໃຈ.+ 4 ທຸກສິ່ງທີ່ພະເຈົ້າສ້າງໄວ້ດີໝົດ+ ບໍ່ມີສິ່ງໃດທີ່ຫ້າມບໍ່ໃຫ້ກິນ+ ຖ້າກິນດ້ວຍຄວາມຂອບໃຈ 5 ຍ້ອນຖ້ອຍຄຳຂອງພະເຈົ້າແລະຄຳອະທິດຖານເຮັດໃຫ້ສິ່ງນັ້ນບໍລິສຸດແລ້ວ.
6 ເມື່ອເຈົ້າແນະນຳພີ່ນ້ອງກ່ຽວກັບເລື່ອງເຫຼົ່ານີ້ ເຈົ້າກໍຈະເປັນຜູ້ຮັບໃຊ້ທີ່ດີຂອງພະຄລິດເຢຊູ ເປັນຄົນທີ່ລ້ຽງຈິດໃຈດ້ວຍຖ້ອຍຄຳກ່ຽວກັບຄວາມເຊື່ອແລະດ້ວຍຄຳສອນທີ່ດີທີ່ເຈົ້າເຮັດຕາມສະເໝີ.+ 7 ຢ່າສົນໃຈເລື່ອງຕົວະທີ່ຂັດກັບຄວາມຄິດຂອງພະເຈົ້າ+ທີ່ຜູ້ຍິງສູງອາຍຸມັກເລົ່າ ແຕ່ໃຫ້ຝຶກຝົນໂຕເອງເພື່ອຈະເຊື່ອຟັງພະເຈົ້າສຸດຫົວໃຈ. 8 ການຝຶກຝົນຮ່າງກາຍມີປະໂຫຍດແຕ່ໜ້ອຍດຽວ ແຕ່ການເຊື່ອຟັງພະເຈົ້າສຸດຫົວໃຈມີປະໂຫຍດທຸກດ້ານ ຍ້ອນຈະເຮັດໃຫ້ພວກເຮົາໄດ້ຮັບພອນໃນຊີວິດທັງປັດຈຸບັນແລະອະນາຄົດ.+ 9 ຖ້ອຍຄຳນັ້ນເປັນຄວາມຈິງແລະຄວນຍອມຮັບເອົາ. 10 ພວກເຮົາທຸ່ມເທເຮັດວຽກໜັກ+ກໍຍ້ອນຝາກຄວາມຫວັງໄວ້ກັບພະເຈົ້າຜູ້ມີຊີວິດຢູ່. ເພິ່ນເປັນຜູ້ຊ່ວຍໃຫ້ລອດ+ຂອງຄົນທຸກປະເພດ+ໂດຍສະເພາະຄົນທີ່ສັດຊື່.
11 ໃຫ້ເຈົ້າບອກແລະສອນພີ່ນ້ອງໃນເລື່ອງເຫຼົ່ານີ້ຢູ່ສະເໝີ. 12 ຢ່າໃຫ້ຜູ້ໃດດູຖູກເຈົ້າຍ້ອນເຫັນວ່າເຈົ້າຍັງໜຸ່ມ. ແຕ່ໃຫ້ຄຳເວົ້າ ການປະພຶດ ຄວາມຮັກ ຄວາມເຊື່ອ ແລະຄວາມບໍລິສຸດຂອງເຈົ້າເປັນຕົວຢ່າງທີ່ດີໃຫ້ຄົນທີ່ສັດຊື່. 13 ໃຫ້ເຈົ້າເອົາໃຈໃສ່ໃນການອ່ານໃຫ້ຄົນອື່ນຟັງ+ ການໃຫ້ຄຳແນະນຳ* ແລະການສອນຈົນກວ່າຂ້ອຍຈະໄປຫາ. 14 ຢ່າຖິ້ມຄວາມສາມາດ*ທີ່ເຈົ້າໄດ້ຮັບຕອນທີ່ຄະນະຜູ້ເບິ່ງແຍງວາງມືເທິງເຈົ້າຕາມຄຳພະຍາກອນກ່ຽວກັບເຈົ້າ.+ 15 ໃຫ້ເຈົ້າຄິດຕຶກຕອງແລະທຸ່ມເທກັບເລື່ອງເຫຼົ່ານີ້ ເພື່ອຄົນອື່ນຈະເຫັນຄວາມກ້າວໜ້າຂອງເຈົ້າຫຼາຍຂຶ້ນ. 16 ໃຫ້ເອົາໃຈໃສ່ໂຕເຈົ້າແລະການສອນຂອງເຈົ້າໃຫ້ດີ.+ ໃຫ້ຕັ້ງໃຈເຮັດສິ່ງເຫຼົ່ານີ້ສະເໝີ ຍ້ອນວ່າຖ້າເຮັດແບບນັ້ນ ເຈົ້າຈະຊ່ວຍທັງໂຕເອງແລະຄົນທີ່ຟັງເຈົ້າໃຫ້ລອດໄດ້.+