ເພງສັນລະເສີນ
ເພງນີ້ແມ່ນຄຳອະທິດຖານຂອງດາວິດ.
86 ພະເຢໂຫວາເອີ້ຍ ຂໍພະອົງກົ້ມລົງມາຟັງລູກ* ແລະຕອບຄຳອະທິດຖານຂອງລູກແດ່ເດີ້
ຍ້ອນລູກທຸກໃຈແຮງແລະລຳບາກຫຼາຍ.+
2 ຂໍພະອົງປົກປ້ອງຊີວິດລູກຍ້ອນລູກເປັນຄົນສັດຊື່.+
ຂໍພະອົງຊ່ວຍຜູ້ຮັບໃຊ້ທີ່ໄວ້ໃຈພະອົງໃຫ້ລອດ
ຍ້ອນພະອົງເປັນພະເຈົ້າຂອງລູກ.+
4 ພະເຢໂຫວາເອີ້ຍ ຂໍພະອົງເຮັດໃຫ້ຜູ້ຮັບໃຊ້ຂອງພະອົງມີຄວາມສຸກ
ຍ້ອນລູກເພິ່ງພະອົງ.
5 ພະເຢໂຫວາ ພະອົງດີແທ້ໆ+ແລະພ້ອມທີ່ຈະໃຫ້ອະໄພ.+
ພະອົງມີຄວາມຮັກທີ່ໝັ້ນຄົງຫຼາຍຕໍ່ທຸກຄົນທີ່ຮ້ອງຫາພະອົງ.+
6 ພະເຢໂຫວາເອີ້ຍ ຂໍພະອົງຟັງຄຳອະທິດຖານຂອງລູກ
ແລະຂໍພະອົງສົນໃຈຄຳຮ້ອງຂໍຄວາມຊ່ວຍເຫຼືອຂອງລູກ.+
8 ພະເຢໂຫວາເອີ້ຍ ບໍ່ມີພະເຈົ້າອົງໃດຄືກັບພະອົງ.+
ສິ່ງທີ່ພະອົງເຮັດບໍ່ເຄີຍມີໃຜເຮັດໄດ້ເລີຍ.+
9 ພະເຢໂຫວາ ທຸກຊາດທີ່ພະອົງສ້າງ
ຈະມາໝູບໜ້າລົງຕໍ່ໜ້າພະອົງ+
ແລະເຂົາເຈົ້າຈະພາກັນສັນລະເສີນຊື່ຂອງພະອົງ+
10 ຍ້ອນພະອົງຍິ່ງໃຫຍ່ແລະເຮັດສິ່ງທີ່ເປັນຕາງຶດຫຼາຍຢ່າງ.+
ພະອົງຜູ້ດຽວເທົ່ານັ້ນທີ່ເປັນພະເຈົ້າ.+
11 ພະເຢໂຫວາເອີ້ຍ ຂໍພະອົງສອນລູກໃຫ້ຮູ້ຈັກແນວທາງຂອງພະອົງ.+
ລູກຈະໃຊ້ຊີວິດຕາມຄຳສອນຂອງພະອົງທີ່ເປັນຄວາມຈິງ.+
ຂໍພະອົງຊ່ວຍລູກໃຫ້ຢ້ານຢຳຊື່ຂອງພະອົງສຸດຫົວໃຈ.*+
12 ພະເຢໂຫວາພະເຈົ້າຂອງລູກ ລູກຈະສັນລະເສີນພະອົງໝົດຫົວໃຈ.+
ແລະລູກຈະຍົກຍ້ອງຊື່ຂອງພະອົງຕະຫຼອດໄປ
13 ຍ້ອນພະອົງຮັກລູກຢ່າງໝັ້ນຄົງຫຼາຍ
ແລະພະອົງກໍຊ່ວຍລູກໃຫ້ລອດຈາກບ່ອນຝັງສົບ*ທີ່ເລິກໆ.+
14 ພະເຈົ້າເອີ້ຍ ຄົນທີ່ເຮັດເກີນສິດພາກັນມາຕໍ່ສູ້ລູກ.+
ກຸ່ມຄົນທີ່ໂຫດຫ້ຽມກໍພະຍາຍາມຈະຂ້າລູກ.
15 ພະເຢໂຫວາ ພະອົງເປັນພະເຈົ້າທີ່ມີຄວາມເມດຕາ ໃຈດີ*
ບໍ່ໃຈຮ້າຍງ່າຍ ມີຄວາມຮັກທີ່ໝັ້ນຄົງ ແລະມີຄວາມສັດຊື່ຫຼາຍທີ່ສຸດ.*+
16 ຂໍພະອົງປິ່ນມາຫາລູກແລະອີ່ຕົນລູກແດ່.+
ຂໍພະອົງໃຫ້ກຳລັງກັບຜູ້ຮັບໃຊ້ຂອງພະອົງ+
ແລະຂໍພະອົງຊ່ວຍລູກຊາຍຂອງທາດຍິງຂອງພະອົງໃຫ້ລອດ.
17 ພະເຢໂຫວາເອີ້ຍ ຂໍພະອົງເຮັດໃຫ້ເຫັນຫຼັກຖານວ່າພະອົງຮັກລູກຫຼາຍສ່ຳໃດ
ເພື່ອຄົນທີ່ຊັງລູກຈະເຫັນແລະອັບອາຍຂາຍໜ້າ
ຍ້ອນພະອົງເປັນຜູ້ຊ່ວຍລູກແລະເປັນຜູ້ປອບໃຈລູກ.