ເພງສັນລະເສີນ
ເພງຂອງດາວິດສຳລັບໃຊ້ເປັນຂໍ້ເຕືອນໃຈ.
38 ພະເຢໂຫວາເອີ້ຍ ຂໍຢ່າຕຳໜິລູກດ້ວຍຄວາມໃຈຮ້າຍ
ແລະຂໍຢ່າສັ່ງສອນລູກດ້ວຍຄວາມໃຈຮ້າຍແຮງ+
2 ຍ້ອນລູກທະນູຂອງພະອົງໄດ້ສຽບລູກເຂົ້າໄປບັກເລິກໆ
ແລະຄວາມບໍ່ພໍໃຈຂອງພະອົງເປັນຄືກັບພາລະໜັກຂອງລູກ.+
3 ລູກເຈັບໝົດຕົນໝົດໂຕ ຍ້ອນພະອົງໃຈຮ້າຍໃຫ້ລູກ.
ກະດູກຂອງລູກກໍປວດມຸບໆ ຍ້ອນຄວາມຜິດທີ່ລູກເຮັດ.+
4 ຄວາມຜິດຂອງລູກຖ້ວມຫົວລູກແລ້ວ.+
ມັນເປັນຄືກັບພາລະໜັກຫຼາຍໂພດຈົນລູກແບກບໍ່ໄຫວ.
5 ບາດແຜຂອງລູກເປື່ອຍແລະມີກິ່ນເໝັນ
ຍ້ອນຄວາມໂງ່ຂອງລູກເອງນິແຫຼະ.
6 ລູກທຸກໃຈແລະເສົ້າໃຈຫຼາຍ.
ລູກຍ່າງໄປຍ່າງມາດ້ວຍຄວາມໂສກເສົ້າໝົດມື້.
7 ໂຕລູກຮ້ອນຫຼາຍຄືກັບໄຟໄໝ້ຢູ່ທາງໃນ
ແລະລູກກໍປວດໝົດຕົນໝົດໂຕ.+
8 ລູກທຸກໃຈຫຼາຍຈົນຊາໄປໝົດໂຕແລ້ວ.
ລູກເຈັບປວດໃຈຫຼາຍຈົນຮ້ອງຄາງ*ອອກມາ.
9 ພະເຢໂຫວາເອີ້ຍ ພະອົງຮູ້ໝົດແລ້ວວ່າລູກຕ້ອງການຫຍັງ
ແລະພະອົງກໍໄດ້ຍິນສຽງຖອນຫາຍໃຈທຸກບາດຂອງລູກ.
10 ຫົວໃຈຂອງລູກກໍເຕັ້ນໄວຍ້ອນວ່າລູກທຸກໃຈຫຼາຍ.
ລູກໝົດແຮງແລ້ວແລະສາຍຕາຂອງລູກກໍມົວແລ້ວ.+
11 ພວກໝູ່ຂອງລູກຫຼົບໜ້າລູກຍ້ອນວ່າລູກເປັນພະຍາດ.
ແລະສ່ຽວຂອງລູກກໍບໍ່ຢາກມາໃກ້ລູກ.
12 ຄົນທີ່ນຳຂ້າລູກກໍວາງກັບດັກໄວ້ຈັບລູກ.
ເຂົາເຈົ້າລົມກັນວ່າຈະທຳຮ້າຍລູກແນວໃດ.+
ເຂົາເຈົ້າວາງແຜນໝົດມື້ເພື່ອຫຼອກລໍ້ລູກ.
14 ລູກເປັນຄືກັບຄົນທີ່ບໍ່ໄດ້ຍິນຫຍັງ
ແລະບໍ່ຮູ້ວິທີເວົ້າປົກປ້ອງໂຕເອງ.
16 ລູກເວົ້າວ່າ: “ຂໍຢ່າໃຫ້ເຂົາເຈົ້າເຍາະເຍີ້ຍລູກ
ຂໍຢ່າໃຫ້ເຂົາເຈົ້າຫົວຂວັນໃສ່ລູກຕອນທີ່ລູກມື່ນລົ້ມ”
17 ຍ້ອນລູກໃກ້ຈະລົ້ມແລ້ວ
ແລະລູກກໍຮູ້ສຶກເຈັບປວດຕະຫຼອດ.+
19 ສັດຕູຂອງລູກມີກຳລັງຫຼາຍ
ແລະຄົນທີ່ຊັງລູກໂດຍບໍ່ມີເຫດຜົນກໍມີຫຼາຍຂຶ້ນໆ.
20 ເຂົາເຈົ້າເຮັດຊົ່ວຕອບແທນຄວາມດີຂອງລູກ.
ເຂົາເຈົ້າພະຍາຍາມຂັດຂວາງບໍ່ໃຫ້ລູກເຮັດດີ.
21 ພະເຢໂຫວາເອີ້ຍ ຂໍພະອົງຢ່າປະຢ່າຖິ້ມລູກ.
ຂໍພະອົງຢ່າຢູ່ໄກຈາກລູກເລີຍ.+
22 ພະເຢໂຫວາຜູ້ຊ່ວຍໃຫ້ລອດຂອງລູກເອີ້ຍ
ຂໍພະອົງມາຊ່ວຍລູກໄວໆແດ່ເດີ້.+