ຂ້ອຍພ້ອມບໍ?
ຂ້ອຍພ້ອມທີ່ຈະໄປປະກາດນຳກັນກັບພີ່ນ້ອງໃນປະຊາຄົມບໍ?
ເຈົ້າອາດພ້ອມທີ່ຈະເປັນຜູ້ປະກາດທີ່ຍັງບໍ່ໄດ້ຮັບບັບເຕມາ ຖ້າເຈົ້າ . . .
ອ່ານແລະສຶກສາຄຳພີໄບເບິນ ອະທິດຖານ ແລະເຂົ້າຮ່ວມປະຊຸມເປັນປະຈຳ.
ເຫັນຄ່າແລະເຊື່ອໃນສິ່ງທີ່ໄດ້ຮຽນ ແລະຢາກບອກເລື່ອງນັ້ນໃຫ້ຄົນອື່ນຮູ້.
ຮັກພະເຢໂຫວາແລະເລືອກທີ່ຈະເປັນໝູ່ສະໜິດກັບຄົນທີ່ຮັກເພິ່ນ.
ບໍ່ຫຍຸ້ງກ່ຽວກັບການເມືອງທຸກຮູບແບບແລະລາອອກຈາກການເປັນສະມາຊິກຂອງສາສະໜາທີ່ພາຄົນໄປຜິດທາງ.
ໃຊ້ຊີວິດຕາມມາດຕະຖານຂອງພະເຢໂຫວາແລະຢາກເປັນພະຍານພະເຢໂຫວາ.
ຖ້າເຈົ້າຮູ້ສຶກວ່າພ້ອມທີ່ຈະໄປປະກາດຮ່ວມກັບພີ່ນ້ອງໃນປະຊາຄົມ ກໍໃຫ້ບອກກັບຄົນທີ່ສອນເຈົ້າ ແລະລາວຈະໄປຂໍນັດໝາຍຜູ້ເບິ່ງແຍງເພື່ອມາລົມກັບເຈົ້າວ່າເຈົ້າມີຄຸນສົມບັດທີ່ຈະເປັນຜູ້ປະກາດບໍ.
ຂ້ອຍພ້ອມທີ່ຈະຮັບບັບເຕມາບໍ?
ເຈົ້າອາດພ້ອມທີ່ຈະຮັບບັບເຕມາຖ້າເຈົ້າ . . .
ເປັນຜູ້ປະກາດທີ່ຍັງບໍ່ໄດ້ຮັບບັບເຕມາ.
ປະກາດເປັນປະຈຳເທົ່າທີ່ເຈົ້າຈະເຮັດໄດ້.
ສະໜັບສະໜູນ “ທາດທີ່ສັດຊື່ແລະສຸຂຸມ” ແລະເຮັດຕາມການຊີ້ນຳຂອງເຂົາເຈົ້າ.—ມັດທາຍ 24:45-47
ໄດ້ອຸທິດຕົວໃຫ້ກັບພະເຢໂຫວາແລ້ວໂດຍອະທິດຖານບອກເພິ່ນວ່າເຈົ້າຈະເຊື່ອຟັງເພິ່ນຕະຫຼອດໄປ.
ຖ້າເຈົ້າຮູ້ສຶກວ່າພ້ອມທີ່ຈະຮັບບັບເຕມາ ກໍໃຫ້ບອກກັບຄົນທີ່ສອນເຈົ້າ ແລະລາວຈະໄປຂໍນັດໝາຍຜູ້ເບິ່ງແຍງເພື່ອມາລົມກັບເຈົ້າວ່າເຈົ້າມີຄຸນສົມບັດທີ່ຈະຮັບບັບເຕມາບໍ.