ຜູ້ເຖົ້າ ຄົນທີ່ມີອາຍຸຫຼາຍກວ່າ
ຈະເປັນແນວໃດເມື່ອເຮົາອາຍຸຫຼາຍຂຶ້ນ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ປຍຈ 12:1-8—ໃນຄຳສັບຕ່າງໆທາງບົດກະວີ ກະສັດໂຊໂລໂມນພັນລະນາເຖິງຄວາມອ່ອນແອບາງຢ່າງທີ່ມາພ້ອມກັບອາຍຸທີ່ຫຼາຍຂຶ້ນ ເຊັ່ນສາຍຕາບໍ່ດີ (“ພວກຜູ້ຍິງທີ່ເບິ່ງອອກໄປນອກປ່ອງຢ້ຽມຈະເຫັນຄວາມມືດ”) ແລະການສູນເສຍການໄດ້ຍິນ (“ພວກລູກສາວຈະຮ້ອງເພງສຽງຄ່ອຍໆ”)
ຜູ້ສູງອາຍຸສາມາດຮັກສາຄວາມຍິນດີຂອງໂຕເອງໄວ້ໄດ້ບໍເຖິງວ່າມີການທົດລອງແລະຂໍ້ຈຳກັດຕ່າງໆທີ່ເຂົາເຈົ້າມີຍ້ອນເຂົາເຈົ້າອາຍຸຫຼາຍຂຶ້ນ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
1ຊມ 12:2, 23—ຜູ້ພະຍາກອນຊາມູເອນທີ່ເຖົ້າຫຼາຍແລ້ວຮູ້ວ່າການອະທິດຖານເພື່ອປະຊາຊົນຂອງພະເຢໂຫວາຕໍ່ໄປນັ້ນສຳຄັນຫຼາຍສ່ຳໃດ
2ຊມ 19:31-39—ກະສັດດາວິດຢາກຕອບແທນບາຊິລາຍທີ່ເຖົ້າຫຼາຍແລ້ວສຳລັບການສະໜັບສະໜູນຢ່າງສັດຊື່ພັກດີຂອງລາວ ແລະບາຊິລາຍກໍຖ່ອມໂຕແລະບອກກະສັດດາວິດວ່າລາວບໍ່ສາມາດຮັບໃຊ້ກະສັດໃນເມືອງເຢຣູຊາເລັມໄດ້
ພສ 71:9, 18—ເມື່ອກະສັດດາວິດຢ້ານວ່າລາວຈະບໍ່ມີປະໂຫຍດຕໍ່ພະເຢໂຫວາອີກຕໍ່ໄປເພາະລາວເຖົ້າແລ້ວ ລາວຈຶ່ງໄດ້ຂໍໃຫ້ພະເຢໂຫວາຢ່າຢຸດໃຊ້ລາວແຕ່ໃຫ້ລາວມີເຫື່ອມີແຮງເພື່ອທີ່ລາວຈະໄດ້ສອນຄົນລຸ້ນຕໍ່ໄປກ່ຽວກັບເພິ່ນ
ລກ 2:36-38—ຜູ້ພະຍາກອນຍິງອານາ ແມ່ໝ້າຍທີ່ເຖົ້າຫຼາຍແລ້ວ ໄດ້ຮັບພອນສຳລັບການອຸທິດໂຕແລະການຮັບໃຊ້ທີ່ສັດຊື່ຂອງລາວ
ພະເຢໂຫວາສະແດງໃຫ້ຜູ້ທີ່ເຖົ້າແລ້ວເຫັນແນວໃດວ່າເພິ່ນເຫັນຄຸນຄ່າເຂົາເຈົ້າ?
ພສ 92:12-14; ສພສ 16:31; 20:29; ອຊຢ 46:4; ຕຕ 2:2-5
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ປຖກ 12:1-4—ເມື່ອອັບຣາຮາມມີອາຍຸໄດ້ 75 ປີ ພະເຢໂຫວາໄດ້ມອບໝາຍວຽກໃຫ້ລາວເຊິ່ງກຳນົດໃຫ້ລາວຕ້ອງອອກຈາກບ້ານເກີດເມືອງນອນໄປຕະຫຼອດຊີວິດ
ດນອ 10:11, 19; 12:13—ທູດສະຫວັນອົງໜຶ່ງມາຢາມຜູ້ພະຍາກອນດານີເອນ ເຊິ່ງມີອາຍຸປະມານ 90 ປາຍປີ ເພື່ອບອກລາວວ່າລາວມີຄ່າຫຼາຍສຳລັບພະເຢໂຫວາແລະລາວຈະໄດ້ຮັບລາງວັນສຳລັບຄວາມສັດຊື່ຂອງລາວ
ລກ 1:5-13—ພະເຢໂຫວາອວຍພອນເຊຄາຣີຢາແລະເອລີຊາເບັດທີ່ເຖົ້າຫຼາຍແລ້ວໂດຍການໃຫ້ເຂົາເຈົ້າມີລູກຊາຍຄົນໜຶ່ງຊື່ໂຢຮັນຢ່າງອັດສະຈັນ
ລກ 2:25-35—ພະເຢໂຫວາໃຫ້ຊີເມໂອນຜູ້ສູງອາຍຸມີຄວາມຍິນດີທີ່ໄດ້ເຫັນແອນ້ອຍຜູ້ທີ່ຈະກາຍເປັນເມຊີອາແລ້ວລາວກໍພະຍາກອນເຖິງເພິ່ນ
ກຈກ 7:23, 30-36—ຜູ້ພະຍາກອນໂມເຊມີອາຍຸ 80 ປີເມື່ອພະເຢໂຫວາຕັ້ງລາວໃຫ້ເປັນຜູ້ນຳຂອງຊາດອິດສະຣາເອນປະຊາຊົນຂອງເພິ່ນ
ຜູ້ເຖົ້າທີ່ສັດຊື່ຄວນໄດ້ຮັບການປະຕິບັດແນວໃດ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ປຖກ 45:9-11; 47:12—ໂຢເຊັບສົ່ງຄົນໄປຮັບຢາໂຄບພໍ່ທີ່ເຖົ້າແລ້ວມາຫາລາວ ແລະເບິ່ງແຍງຢາໂຄບຈົນເຖິງເສຍຊີວິດ
ນຣ 1:14-17; 2:2, 17, 18, 23—ຣຸດສະໜັບສະໜູນນາໂອມີທີ່ເຖົ້າແລ້ວດ້ວຍຄຳເວົ້າແລະການກະທຳ
ຢຮ 19:26, 27—ບໍ່ດົນກ່ອນທີ່ພະເຢຊູຈະເສຍຊີວິດ ເພິ່ນຂໍໃຫ້ໂຢຮັນເບິ່ງແຍງແມ່ທີ່ເຖົ້າແລ້ວຂອງເພິ່ນ