ສິ່ງທີ່ມີຄ່າຈາກພະຄຳຂອງພະເຈົ້າ | ຕົ້ນເດີມ 32-33
ເຈົ້າກຳລັງຕໍ່ສູ້ເພື່ອຈະໄດ້ຮັບພອນບໍ?
ເພື່ອຈະໄດ້ຮັບພອນຈາກພະເຢໂຫວາ ເຮົາຕ້ອງເຮັດໃຫ້ແນ່ໃຈວ່າການຮັບໃຊ້ພະເຢໂຫວາເປັນສິ່ງສຳຄັນທີ່ສຸດໃນຊີວິດຂອງເຮົາ. (1ກຣ 9:26, 27) ເມື່ອເຮົາຮັບໃຊ້ພະເຢໂຫວາ ເຮົາຄວນມີຄວາມຄິດແບບດຽວກັບທີ່ຢາໂຄບມີຕອນທີ່ລາວຕໍ່ສູ້ກັບທູດສະຫວັນ. ເຮົາຈະສະແດງໃຫ້ເຫັນວ່າເຮົາຊອກຫາພອນຈາກພະເຢໂຫວາຢ່າງຈິງຈັງໂດຍ . . .
ກຽມການປະຊຸມປະຈຳປະຊາຄົມຢ່າງດີ
ເຂົ້າຮ່ວມໃນວຽກປະກາດເປັນປະຈຳ
ເຮັດທຸກສິ່ງທີ່ເຮັດໄດ້ເພື່ອຊ່ວຍຄົນອື່ນໃນປະຊາຄົມ
ບໍ່ວ່າສະຖານະການຂອງເຈົ້າຈະຍາກສ່ຳໃດ ໃຫ້ອະທິດຖານຂໍຄວາມຊ່ວຍເຫຼືອຈາກພະເຢໂຫວາສະເໝີ ແລະຊອກຫາພອນຈາກພະເຢໂຫວາຢ່າງຈິງຈັງໂດຍພະຍາຍາມຮັບໃຊ້ພະອົງ.
ຖາມຕົວເອງວ່າ: ‘ເພື່ອຈະໄດ້ຮັບພອນຈາກພະເຢໂຫວາຂ້ອຍຕ້ອງພະຍາຍາມໃຫ້ຫຼາຍຂຶ້ນໃນດ້ານໃດແດ່ຂອງຊີວິດ?’