ຊີວິດຄລິດສະຕຽນ
ສິ່ງໃດສຳຄັນຫຼາຍທີ່ສຸດສຳລັບຂ້ອຍ?
ຢາໂຄບຕໍ່ສູ້ກັບທູດສະຫວັນເພື່ອຈະໄດ້ສິ່ງທີ່ສຳຄັນຫຼາຍນັ້ນກໍຄືພອນຈາກພະເຢໂຫວາ. (ຕົ້ນ 32:24-31; ໂອ 12:3, 4) ແລ້ວເຮົາເດ? ເຮົາພະຍາຍາມຢ່າງຈິງຈັງເພື່ອຈະເຊື່ອຟັງພະເຢໂຫວາແລະໄດ້ຮັບພອນຈາກພະອົງບໍ? ຕົວຢ່າງ: ຖ້າໃຫ້ເລືອກລະຫວ່າງເຂົ້າຮ່ວມປະຊຸມປະຈຳປະຊາຄົມກັບເຮັດວຽກລ່ວງເວລາ 2-3 ຊົ່ວໂມງ ເຈົ້າຈະເລືອກຫຍັງ? ຖ້າເຮົາໃຫ້ສິ່ງດີທີ່ສຸດກັບພະເຢໂຫວາບໍ່ວ່າຈະເປັນເວລາ ກຳລັງ ແລະຊັບສິນເງິນຄຳ ພະອົງກໍຈະ “ຖອກຄວາມພອນມາເທິງພວກທ່ານຈົນເຫຼືອລົ້ນ.” (ມລກີ 3:10) ພະອົງຈະຊີ້ນຳ ປົກປ້ອງ ແລະເບິ່ງແຍງໃຫ້ເຮົາມີສິ່ງຈຳເປັນ.—ມທ 6:33; ຮຣ 13:5
ເບິ່ງວິດີໂອຈົດຈໍ່ຢູ່ກັບເປົ້າໝາຍໃນວຽກຮັບໃຊ້ ແລ້ວຕອບຄຳຖາມຕໍ່ໄປນີ້:
ພີ່ນ້ອງຍິງຖືກທົດສອບແນວໃດຈາກສິ່ງທີ່ລາວມັກ?
ວຽກອາຊີບຂອງເຮົາອາດເຮັດໃຫ້ເຮົາຖືກທົດສອບໄດ້ແນວໃດ?
ເປັນຫຍັງຕີໂມທຽວຍັງຕ້ອງຕັ້ງເປົ້າໝາຍຕໍ່ໆໄປເຖິງວ່າລາວຈະເປັນຄລິດສະຕຽນທີ່ມີຄວາມເປັນຜູ້ໃຫຍ່ແລ້ວ?—1ຕມ 4:16
ສິ່ງໃດສຳຄັນຫຼາຍທີ່ສຸດໃນຊີວິດຂອງເຈົ້າ?
ເຮົາຈະສະແດງໃຫ້ເຫັນແນວໃດວ່າວຽກຫຍັງສຳຄັນຫຼາຍທີ່ສຸດສຳລັບເຮົາ?