ສິ່ງ​ສຳຄັນ​ທີ່​ຢູ່​ໃນ​ເຕັ້ນ​ສັກສິດ

25:9, 21, 22

ຫີບ​ສັນຍາ​ເປັນ​ສູນ​ລວມ​ແລະ​ເປັນ​ສ່ວນ​ທີ່​ສຳຄັນ​ຂອງ​ເຕັ້ນ​ສັກສິດ​ໃນ​ຄ້າຍ​ຂອງ​ພວກ​ອິດສະຣາເອນ. ເມກ​ທີ່​ລອຍ​ຢູ່​ລະຫວ່າງ​ເຄຣູບ 2 ອົງ​ທີ່​ຕັ້ງ​ຢູ່​ເທິງ​ຫີບ​ສັນຍາ​ເປັນ​ສັນຍະລັກ​ທີ່​ສະແດງ​ວ່າ​ພະເຈົ້າ​ຢູ່​ກັບ​ເຂົາ​ເຈົ້າ. ໃນ​ວັນ​ໄຖ່​ໂທດ​ຂອງ​ທຸກໆປີ ມະຫາປະໂລຫິດ​ຈະ​ເຂົ້າ​ໄປ​ໃນ​ຫ້ອງ​ບໍລິສຸດ​ທີ່​ສຸດ​ແລະ​ເອົາ​ເລືອດ​ຂອງ​ງົວ​ຜູ້​ແລະ​ເລືອດ​ແບ້​ຊິດ​ໃສ່​ຝາ​ຫີບ ເພື່ອ​ໄຖ່​ບາບ​ໃຫ້​ພວກ​ອິດສະຣາເອນ. (ເລວີ 16:14, 15) ການ​ເຮັດ​ແບບ​ນີ້​ເປັນ​ພາບ​ລ່ວງ​ໜ້າ​ວ່າ​ພະ​ເຢຊູ​ຜູ້​ເປັນ​ມະຫາປະໂລຫິດ​ທີ່​ໃຫຍ່​ກວ່າ​ຈະ​ເຂົ້າ​ໄປ​ໃນ​ສະຫວັນ​ເພື່ອ​ມອບ​ຄ່າໄຖ່​ຂອງ​ເພິ່ນ​ເອງ​ໃຫ້​ພະ​ເຢໂຫວາ.—ຮຣ 9:24-26

ຈັບ​ຄູ່​ຂໍ້​ພະ​ຄຳພີ​ຕໍ່​ໄປ​ນີ້​ໃຫ້​ຖືກ​ກັບ​ປະໂຫຍດ​ທີ່​ເຮົາ​ໄດ້​ຮັບ​ຈາກ​ຄ່າໄຖ່:

ຂໍ້​ພະ​ຄຳພີ

• 1​ຢຮ 1:8, 9

• ຮຣ 9:13, 14

• ຣມ 6:23

ປະໂຫຍດ​ທີ່​ໄດ້​ຮັບ​ຈາກ​ຄ່າໄຖ່

• ຄວາມ​ຫວັງ​ເລື່ອງ​ຊີວິດ​ຕະຫຼອດ​ໄປ

• ໄດ້​ຮັບ​ການ​ໃຫ້​ອະໄພ​ບາບ

• ໃຈ​ຮູ້​ຜິດ​ຮູ້​ຖືກ​ທີ່​ດີ

ເພື່ອ​ຈະ​ໄດ້​ຮັບ​ປະໂຫຍດ​ເຫຼົ່າ​ນີ້​ເຮົາ​ຕ້ອງ​ເຮັດ​ຫຍັງ?