ຊີວິດຄລິດສະຕຽນ
ວິທີໃຊ້ວິດີໂອສຳລັບຊວນສຶກສາຄຳພີໄບເບິນ
ເຮົາມີ 4 ວິດີໂອສຳລັບຊວນສຶກສາຄຳພີໄບເບິນທີ່ໃຊ້ໃນວຽກປະກາດ. ໃຫ້ເຮົາມາເບິ່ງວ່າແຕ່ລະວິດີໂອໃຊ້ເພື່ອຫຍັງ?
ເປັນຫຍັງຈຶ່ງສຶກສາຄຳພີໄບເບິນ?—ແບບເຕັມ ວິດີໂອນີ້ໃຊ້ເພື່ອກະຕຸ້ນຜູ້ຄົນໃຫ້ສົນໃຈຄຳພີໄບເບິນບໍ່ວ່າຜູ້ນັ້ນຈະນັບຖືສາສະໜາໃດກໍຕາມ. ຊ່ວຍເຂົາເຈົ້າໃຫ້ຊອກຫາຄຳຕອບທີ່ສຳຄັນກ່ຽວກັບຊີວິດຈາກຄຳພີໄບເບິນແລະເຫັນຕົວຢ່າງການຫາເຫດຜົນທີ່ເຂົ້າໃຈງ່າຍ ແລະຍັງເວົ້າເຖິງວິທີຂໍຮຽນຄຳພີໄບເບິນນຳ.
ເປັນຫຍັງຈຶ່ງສຶກສາຄຳພີໄບເບິນ? (ແບບສັ້ນ) ວິດີໂອນີ້ຄ້າຍຄືກັບວິດີໂອແບບເຕັມ ແຕ່ຈະສັ້ນກວ່າ. ນີ້ອາດເໝາະກັບເຂດທີ່ຜູ້ຄົນບໍ່ຄ່ອຍມີເວລາ.
ພວກເຮົາສຶກສາຄຳພີໄບເບິນແນວໃດ? ວິດີໂອນີ້ໃຊ້ເພື່ອກະຕຸ້ນຜູ້ຄົນໃຫ້ສົນໃຈການຮຽນຄຳພີໄບເບິນຟຣີແລະຕອບຄຳຖາມທີ່ຫຼາຍຄົນຢາກຮູ້ກ່ຽວກັບການຮຽນຄຳພີໄບເບິນ ແລະຍັງເວົ້າເຖິງວິທີຂໍຮຽນຄຳພີໄບເບິນນຳ.
ຍິນດີຕ້ອນຮັບສູ່ການຮຽນຄຳພີໄບເບິນ ວິດີໂອນີ້ຈະໃຊ້ເປີດໃຫ້ນັກສຶກສາເບິ່ງ. ເຖິງວ່າວິດີໂອນີ້ຈະເວົ້າເຖິງໜ້າທີສອງຂອງປຶ້ມຊີວິດທີ່ມີຄວາມສຸກຕະຫຼອດໄປ! ແຕ່ເຈົ້າອາດຈະເປີດວິດີໂອນີ້ຕອນທີ່ກຳລັງສຶກສາຈຸນລະສານຊີວິດທີ່ມີຄວາມສຸກຕະຫຼອດໄປ! ເພາະມັນຈະອະທິບາຍເນື້ອໃນຂອງປຶ້ມນີ້ແລະຊ່ວຍໃຫ້ນັກສຶກສາເຫັນວ່າຈະໄດ້ຮັບປະໂຫຍດຫຍັງແດ່ຈາກການຮຽນຄຳພີໄບເບິນ.
ເຖິງວ່າແຕ່ລະວິດີໂອຈະໃຊ້ໃນແບບສະເພາະເຈາະຈົງ ແຕ່ເຮົາອາດຈະເປີດຫຼືສົ່ງວິດີໂອເຫຼົ່ານີ້ໃຫ້ຜູ້ສົນໃຈຕອນໃດກໍໄດ້ທີ່ເຫັນວ່າເໝາະສົມ. ຜູ້ປະກາດຄວນຈະພະຍາຍາມລຶ້ງເຄີຍກັບວິດີໂອເຫຼົ່ານີ້ເພື່ອຈະໃຊ້ໄດ້ດີຕອນທີ່ປະກາດ.