ສຳນວນໃນຄຳພີໄບເບິນ
ໃຫ້ “ກຳລັງໃຈ” ກັນ
ເຮົາໄດ້ກຳລັງໃຈເມື່ອໃຊ້ເວລາກັບພີ່ນ້ອງຮ່ວມຄວາມເຊື່ອ. ແຕ່ເພື່ອຈະໃຫ້ໂອກາດແບບນີ້ເປັນການໃຫ້ກຳລັງໃຈແທ້ໆ ເຮົາຕ້ອງບໍ່ພຽງແຕ່ໃຊ້ເວລານຳກັນເທົ່ານັ້ນ. ຄຳພີໄບເບິນບອກເຮົາໃຫ້ “ກຳລັງໃຈ” ກັນແລະເສີມຄວາມເຊື່ອຂອງກັນແລະກັນໃຫ້ເຂັ້ມແຂງຂຶ້ນ. (ຣມ. 1:11, 12) ມີວິທີໃດແດ່ທີ່ເຮົາຈະເຮັດແບບນັ້ນໄດ້?
ໃຫ້ກຳລັງໃຈຄົນອື່ນໂດຍສິ່ງທີ່ເຈົ້າເວົ້າ. ຕົວຢ່າງເຊັ່ນ: ເມື່ອອອກຄຳຄິດເຫັນຢູ່ການປະຊຸມ ເຮົາຢາກເວົ້າເຖິງສິ່ງທີ່ເຮົາຮຽນຈາກພະເຢໂຫວາ ຄຳພີໄບເບິນ ແລະຜູ້ຮັບໃຊ້ຂອງເພິ່ນ ບໍ່ແມ່ນເວົ້າເຖິງຄວາມຄິດແລະໂຕເຮົາເອງຫຼາຍໂພດ. ເມື່ອລົມກັບພີ່ນ້ອງ ໃຫ້ເວົ້າໃນສິ່ງທີ່ຈະເສີມຄວາມເຊື່ອຂອງເຂົາເຈົ້າໃຫ້ເຂັ້ມແຂງຂຶ້ນ.
ໃຫ້ກຳລັງໃຈຄົນອື່ນໂດຍສິ່ງທີ່ເຈົ້າເຮັດ. ຕົວຢ່າງເຊັ່ນ: ບາງຄົນເຫັນເຈົ້າເລືອກທີ່ຈະຮັບໃຊ້ເຕັມເວລາເຖິງວ່າມັນບໍ່ງ່າຍສຳລັບເຈົ້າ ຫຼືເຂົາເຈົ້າເຫັນເຈົ້າເຂົ້າຮ່ວມການປະຊຸມກາງອາທິດເຖິງວ່າເຈົ້າມີບັນຫາສຸຂະພາບຫຼືຮູ້ສຶກເມື່ອຍຍ້ອນເຮັດວຽກໝົດມື້. ສິ່ງເຫຼົ່ານີ້ສາມາດໃຫ້ກຳລັງໃຈເຂົາເຈົ້າໄດ້.
ເຈົ້າໃຫ້ກຳລັງໃຈພີ່ນ້ອງໂດຍສິ່ງທີ່ເຈົ້າເວົ້າແລະເຮັດບໍ? ແລະເຈົ້າສັງເກດບໍວ່າສິ່ງທີ່ພີ່ນ້ອງເວົ້າແລະເຮັດໃຫ້ກຳລັງໃຈເຈົ້າ?