ເປັນ​ຫຍັງ​ພະຍານ​ພະ​ເຢໂຫວາ​ບໍ່​ໃຊ້​ໄມ້​ກາງເຂນ?

ຫຼາຍ​ຄົນ​ເບິ່ງ​ວ່າ​ໄມ້​ກາງເຂນ​ເປັນ​ສັນຍະລັກ​ຂອງ​ສາສະໜາ​ຄລິດ. ເຖິງ​ວ່າ​ພະຍານ​ພະ​ເຢໂຫວາ​ຈະ​ເປັນ​ຄລິດສະຕຽນ ແຕ່​ເຂົາເຈົ້າ​ກໍ​ບໍ່​ໃຊ້​ໄມ້​ກາງເຂນ​ໃນ​ການ​ນະມັດສະການ. ຍ້ອນ​ຫຍັງ?

ເຫດຜົນ​ໜຶ່ງ​ແມ່ນ​ຄຳພີ​ໄບເບິນ​ບອກ​ວ່າ​ພະ​ເຢຊູ​ບໍ່​ໄດ້​ຕາຍ​ຢູ່​ເທິງ​ໄມ້​ກາງເຂນ ແຕ່​ຕາຍ​ຢູ່​ເທິງ​ເສົາ​ທຳມະດາ​ທ່ອນ​ໜຶ່ງ. ນອກ​ຈາກ​ນັ້ນ ຄຳພີ​ໄບເບິນ​ຍັງ​ເຕືອນ​ຄລິດສະຕຽນ​ຢ່າງ​ໜັກແໜ້ນ​ວ່າ: “ຢ່າ​ຫຍຸ້ງ​ກ່ຽວກັບ​ການ​ຂາບ​ໄຫວ້​ຮູບ​ບູຊາ” ເຊິ່ງ​ໝາຍ​ຄວາມ​ວ່າ​ເຂົາເຈົ້າ​ຕ້ອງ​ບໍ່​ໃຊ້​ໄມ້​ກາງເຂນ​ໃນ​ການ​ນະມັດສະການ​ນຳ.—1 ໂກຣິນໂທ 10:14, 1 ໂຢຮັນ 5:21

ພະ​ເຢຊູ​ບອກ​ຢ່າງ​ຈະ​ແຈ້ງ​ວ່າ: “ທຸກ​ຄົນ​ຈະ​ຮູ້​ວ່າ​ພວກ​ເຈົ້າ​ເປັນ​ລູກສິດ​ຂອງ​ຂ້ອຍ ເມື່ອ​ພວກ​ເຈົ້າ​ຮັກ​ກັນ.” (ໂຢຮັນ 13:34, 35) ຄຳເວົ້າ​ຂອງ​ພະ​ເຢຊູ​ສະແດງ​ໃຫ້​ເຫັນ​ວ່າ​ສັນຍະລັກ​ຂອງ​ຄລິດສະຕຽນ​ແທ້​ແມ່ນ​ຄວາມ​ຮັກ​ທີ່​ບໍ່​ເຫັນ​ແກ່​ໂຕ ບໍ່​ແມ່ນ​ໄມ້​ກາງເຂນ​ຫຼື​ຮູບ​ບູຊາ​ຕ່າງ​ໆ.