ພາກທີ 2
ໃຜແມ່ນພະເຈົ້າອົງທ່ຽງແທ້?
ມີພະເຈົ້າທ່ຽງແທ້ແຕ່ອົງດຽວເທົ່ານັ້ນ ພະອົງຊື່ເຢໂຫວາ. (ຄຳເພງ 83:18) ພະອົງເປັນກາຍວິນຍານ; ພວກເຮົາເບິ່ງພະອົງບໍ່ເຫັນ. ພະອົງຮັກເຮົາແລະຢາກໃຫ້ເຮົາຮັກພະອົງ. ພະອົງຍັງຕ້ອງການໃຫ້ເຮົາຮັກຄົນອື່ນໆ. (ມັດທາຍ 22:35-40) ພະອົງເປັນຜູ້ຍິ່ງໃຫຍ່ສູງສຸດ ເປັນຜູ້ສ້າງໝົດທຸກສິ່ງ.
ສິ່ງທຳອິດທີ່ພະເຈົ້າໄດ້ສ້າງແມ່ນບຸກຄົນທີ່ເປັນກາຍວິນຍານທີ່ມີລິດເດດ ຕໍ່ມາຜູ້ນັ້ນເປັນທີ່ຮູ້ຈັກກັນໃນຊື່ວ່າເຍຊູຄລິດ. ພະເຢໂຫວາຍັງໄດ້ສ້າງເຫຼົ່າທູດສະຫວັນນຳອີກ.
ພະເຢໂຫວາສ້າງທຸກໆສິ່ງໃນສະຫວັນ . . . ແລະເທິງແຜ່ນດິນໂລກ. ຄຳປາກົດ 4:11
ພະເຈົ້າເຢໂຫວາກໍຍັງສ້າງກຸ່ມດາວຕ່າງໆ ໜ່ວຍໂລກແລະທຸກສິ່ງທີ່ຢູ່ເທິງໂລກ.—ຕົ້ນເດີມ 1:1.
ພະອົງສ້າງອາດາມມະນຸດຄົນທຳອິດຈາກຂີ້ຝຸ່ນດິນ.—ຕົ້ນເດີມ 2:7.