ບົດທີ 27
ຫ້ອງສະໝຸດຢູ່ຫໍປະຊຸມໃຫ້ປະໂຫຍດຫຍັງແດ່ແກ່ເຮົາ?
ອິດສະຣາແອນ
ສາທາລະນະລັດເຊັກ
ເບແນງ
ເກາະກາຍມັນ
ທ່ານຢາກເຮັດການຄົ້ນຄວ້າບາງຢ່າງເພື່ອເພີ່ມເຕີມຄວາມຮູ້ກ່ຽວກັບຄຳພີໄບເບິນບໍ? ທ່ານຢາກຮູ້ກ່ຽວກັບຂໍ້ພະຄຳພີຂໍ້ໃດຂໍ້ໜຶ່ງຫຼືບຸກຄົນໃດໜຶ່ງ ສະຖານທີ່ໃດໜຶ່ງຫຼືສິ່ງທີ່ກ່າວເຖິງໃນຄຳພີໄບເບິນບໍ? ຫຼືທ່ານອາດສົງໄສວ່າຄຳພີໄບເບິນສາມາດຊ່ວຍທ່ານໃນເລື່ອງຄວາມກັງວົນສ່ວນຕົວໄດ້ຫຼືບໍ່? ຄັນຊັ້ນທ່ານສາມາດໃຊ້ຫ້ອງສະໝຸດຢູ່ຫໍປະຊຸມໄດ້.
ຫ້ອງສະໝຸດມີເຄື່ອງມືຄົ້ນຄວ້າທີ່ເປັນປະໂຫຍດ. ທ່ານອາດຈະບໍ່ມີສັບພະໜັງສືທັງໝົດຂອງພະຍານພະເຢໂຫວາທີ່ອາໄສຄຳພີໄບເບິນເປັນຫຼັກໃນພາສາຂອງທ່ານເອງ. ແຕ່ຫ້ອງສະໝຸດຢູ່ຫໍປະຊຸມສ່ວນຫຼາຍມີໜັງສືທີ່ຫາກໍອອກໃໝ່ໃນມໍ່ ໆ ນີ້. ນອກຈາກນັ້ນ ຫ້ອງສະໝຸດອາດມີຄຳພີໄບເບິນສະບັບແປຕ່າງ ໆ ວັດຈະນານຸກົມທີ່ດີ ແລະປຶ້ມອ້າງອີງອື່ນ ໆ ທີ່ເປັນປະໂຫຍດ. ທ່ານສາມາດໃຊ້ຫ້ອງສະໝຸດກ່ອນແລະພາຍຫຼັງການປະຊຸມໂດຍບໍ່ຕ້ອງເສຍຄ່າ. ຖ້າມີການຕິດຕັ້ງຄອມພິວເຕີຢູ່ຫ້ອງສະໝຸດ ຄອມພິວເຕີອາດມີດັດສະນີສັບພະໜັງສື (Watchtower Library). ໃນລະບົບຄອມພິວເຕີນັ້ນມີການທ້ອນໂຮມເອົາໜັງສືຕ່າງ ໆ ຂອງພວກເຮົາໄວ້ນຳກັນ ດັ່ງນັ້ນຈຶ່ງເຮັດໃຫ້ງ່າຍໃນການຄົ້ນຄວ້າ ເຊິ່ງທ່ານສາມາດຊອກເບິ່ງຫົວເລື່ອງ ຄຳເວົ້າ ຫຼືຂໍ້ພະຄຳພີ.
ຫ້ອງສະໝຸດເປັນປະໂຫຍດສຳລັບນັກຮຽນໃນການປະຊຸມຊີວິດແລະວຽກຮັບໃຊ້. ທ່ານອາດສາມາດໃຊ້ປະໂຫຍດຈາກຫ້ອງສະໝຸດຢູ່ຫໍປະຊຸມເພື່ອກຽມສ່ວນມອບໝາຍ. ຜູ້ດູແລການປະຊຸມຊີວິດແລະວຽກຮັບໃຊ້ເປັນຜູ້ຮັບຜິດຊອບຫ້ອງສະໝຸດແລະກໍເປັນໜ້າທີ່ຂອງລາວທີ່ຈະຈັດໃຫ້ມີໜັງສືໃໝ່ຫຼ້າສຸດຢູ່ໃນຫ້ອງສະໝຸດແລະມີການຈັດປຶ້ມໃຫ້ເປັນລະບຽບຮຽບຮ້ອຍດີ. ຜູ້ດູແລການປະຊຸມຊີວິດແລະວຽກຮັບໃຊ້ຫຼືຜູ້ສອນຄຳພີໄບເບິນສາມາດຊ່ວຍທ່ານໃຫ້ຮູ້ວິທີຊອກຂໍ້ມູນທີ່ທ່ານຕ້ອງການ. ແນວໃດກໍຕາມ ບໍ່ໃຫ້ເອົາປຶ້ມອອກໄປຈາກຫ້ອງສະໝຸດຢູ່ຫໍປະຊຸມ. ແລະແນ່ນອນວ່າເຮົາຄວນຈັບບາຍປຶ້ມຕ່າງ ໆ ດ້ວຍຄວາມລະມັດລະວັງແລະບໍ່ຂີດຂຽນໃສ່ປຶ້ມເຫຼົ່ານັ້ນ.
ຄຳພີໄບເບິນອະທິບາຍວ່າ ເພື່ອທີ່ຈະ “ພົບຄວາມຮູ້ຈັກພະເຈົ້າ.” ພວກເຮົາຕ້ອງເຕັມໃຈທີ່ຈະຄົ້ນຄວ້າຫາຄວາມຮູ້ນັ້ນ “ຄືຫາຊັບສົມບັດທີ່ເຊື່ອງໄວ້.” (ສຸພາສິດ 2:1-5) ຫ້ອງສະໝຸດຢູ່ຫໍປະຊຸມສາມາດຊ່ວຍທ່ານໃຫ້ເລີ່ມຕົ້ນການຄົ້ນຄວ້າໄດ້.
ເຄື່ອງມືຄົ້ນຄວ້າອັນໃດທີ່ມີຢູ່ຫ້ອງສະໝຸດຢູ່ຫໍປະຊຸມ?
ໃຜສາມາດຊ່ວຍທ່ານໃຫ້ໃຊ້ຫ້ອງສະໝຸດໃຫ້ເປັນປະໂຫຍດທີ່ສຸດ?