ຊີວິດຄລິດສະຕຽນ
ວິທີໃຊ້ແອັບ JW Library
ສຳລັບການສຶກສາ:
ອ່ານຄຳພີໄບເບິນແລະຂໍ້ພະຄຳພີປະຈຳວັນ.
ອ່ານປຶ້ມປະຈຳປີ ວາລະສານ ແລະສິ່ງພິມອື່ນໆ. ໃຊ້ຟີເຈີບຸກໝາກໝາຍໄວ້.
ກຽມສຳລັບການປະຊຸມປະຈຳປະຊາຄົມແລະໝາຍຄຳ ຕອບໄວ້.
ເບິ່ງວິດີໂອ.
ສຳລັບການປະຊຸມ:
ເບິ່ງຂໍ້ພະຄຳພີທີ່ຜູ້ບັນລະຍາຍໄດ້ອ້າງເຖິງ. ໃຊ້ຟີເຈີປະຫວັດເພື່ອກັບຄືນມາຫາຂໍ້ພະຄຳພີ.
ແທນທີ່ຈະຫອບເອົາສິ່ງພິມຕ່າງໆໄປການປະຊຸມ ໃຫ້ໃຊ້ອຸປະກອນຂອງເຈົ້າຕິດຕາມສ່ວນຕ່າງໆຂອງການປະຊຸມແລະການຮ້ອງເພງ. ແອັບ JW Library ຍັງມີເພງໃໝ່ທີ່ບໍ່ທັນມີໃນປຶ້ມເພງ.
ສຳລັບການປະກາດ:
ໃຫ້ຜູ້ສົນໃຈເບິ່ງບາງສິ່ງທີ່ຢູ່ໃນແອັບ JW Library. ຈາກນັ້ນ ຊ່ວຍລາວໃຫ້ດາວໂຫຼດແອັບແລະສິ່ງພິມຕ່າງໆໃສ່ໃນອຸປະກອນຂອງລາວ.
ໃຊ້ຟີເຈີຄົ້ນຫາເພື່ອຊອກຫາຂໍ້ພະຄຳພີ. ຖ້າບໍ່ພົບວະລີໃດໜຶ່ງໃນຄຳພີໄບເບິນສະບັບແປໂລກໃໝ່ສະບັບປັບປຸງກໍໃຫ້ປ່ຽນມາໃຊ້ຄຳພີໄບເບິນສະບັບອ້າງອີງ ແລະຄົ້ນຫາອີກເທື່ອໜຶ່ງ.
ເປີດວິດີໂອ. ຖ້າເຈົ້າຂອງເຮືອນມີລູກ ເຈົ້າສາມາດເປີດໜຶ່ງໃນວິດີໂອມາເປັນໝູ່ກັບພະເຢໂຫວານຳກັນ ໃຫ້ລາວເບິ່ງ ຫຼືເປີດວິດີໂອເປັນຫຍັງຈຶ່ງສຶກສາຄຳພີໄບເບິນ? ເພື່ອກະຕຸ້ນຄວາມສົນໃຈຂອງລາວໃຫ້ສຶກສາຄຳພີໄບເບິນ. ຖ້າລາວເວົ້າພາສາອື່ນກໍໃຫ້ເປີດວິດີໂອທີ່ເປັນພາສາຂອງລາວ.
ໃຫ້ລາວເບິ່ງຂໍ້ພະຄຳພີໃນພາສາອື່ນຈາກສະບັບແປທີ່ເຈົ້າໄດ້ດາວໂຫຼດ. ພຽງແຕ່ເຂົ້າໄປຫາຄຳພີໄບເບິນແລະກົດເລກຂໍ້ພະຄຳພີ. ຈາກນັ້ນ ກົດຮູບການປຽບທຽບການແປ.