ບົດຮຽນ 14
ລາຊະອານາຈັກໜຶ່ງທີ່ຈະປົກຄອງທົ່ວໂລກ
ລູກເດົາໄດ້ບໍວ່າເຮົາກຳລັງເວົ້າເຖິງລາຊະອານາຈັກໃດ?— ແມ່ນແລ້ວ ແມ່ນລາຊະອານາຈັກຂອງພະເຈົ້າ ແລະລາຊະອານາຈັກນີ້ຈະເຮັດໃຫ້ໂລກຂອງເຮົາເປັນອຸທິຍານ. ລູກຢາກຮຽນຮູ້ເລື່ອງລາຊະອານາຈັກນີ້ຕື່ມອີກບໍ?—
ທຸກໆລາຊະອານາຈັກຕ້ອງມີກະສັດປົກຄອງເພື່ອເບິ່ງແຍງປະຊາຊົນຂອງຕົນ. ລູກຮູ້ບໍວ່າໃຜເປັນກະສັດໃນລາຊະອານາຈັກຂອງພະເຈົ້າ?— ແມ່ນພະເຍຊູຄລິດ ແລະພະອົງຢູ່ໃນສະຫວັນ. ອີກບໍ່ດົນພະອົງຈະປົກຄອງທຸກໆຄົນທີ່ຢູ່ເທິງແຜ່ນດິນໂລກ! ເມື່ອພະເຍຊູເປັນກະສັດປົກຄອງທົ່ວແຜ່ນດິນໂລກ ລູກຄິດວ່າພວກເຮົາຈະມີຄວາມສຸກບໍ?—
ໃນອຸທິຍານ ລູກຕັ້ງໃຈຄອຍຖ້າສິ່ງໃດ?
ພວກເຮົາຈະມີຄວາມສຸກຫຼາຍ! ໃນອຸທິຍານ ຜູ້ຄົນຈະບໍ່ຕໍ່ສູ້ກັນຫຼືບໍ່ເຮັດສົງຄາມອີກຕໍ່ໄປ. ທຸກຄົນຈະຮັກກັນ ແລະຈະບໍ່ມີໃຜເຈັບປ່ວຍແລະຕາຍ. ຄົນທີ່ຕາບອດກໍຈະເຫັນຮຸ່ງ ຄົນຫູໜວກຈະໄດ້ຍິນແລະຄົນຂາເຢກຈະແລ່ນແລະກະໂດດໄດ້. ທຸກຄົນຈະມີອາຫານການກິນຢ່າງອຸດົມສົມບູນ. ສັດຈະເປັນໝູ່ກັນແລະເປັນໝູ່ກັບເຮົາ. ຄົນທີ່ຕາຍຈະກັບຄືນມາມີຊີວິດອີກ ໃນນັ້ນຈະມີທັງຜູ້ຊາຍແລະຜູ້ຍິງທີ່ລູກໄດ້ຮຽນຮູ້ເລື່ອງຂອງເຂົາເຈົ້າໄປແລ້ວໃນປຶ້ມນີ້ເຊັ່ນ ເລເບກາ ລາຫາບ ດາວິດ ແລະເອລີຢາ! ເມື່ອເຂົາເຈົ້າມີຊີວິດອີກ ລູກຢາກພົບກັບເຂົາເຈົ້າບໍ?—
ພະເຢໂຫວາຮັກລູກແລະຢາກໃຫ້ລູກມີຄວາມສຸກ ຖ້າລູກຮຽນຮູ້ກ່ຽວກັບພະເຢໂຫວາແລະເຊື່ອຟັງພະອົງຕໍ່ໆໄປ ລູກກໍຈະມີຊີວິດຕະຫຼອດໄປໃນໂລກໃໝ່ທີ່ເປັນອຸທິຍານ. ລູກຢາກຢູ່ທີ່ນັ້ນບໍ?—