ຊີວິດຄລິດສະຕຽນ
ສອນຄວາມຈິງ
ເລີ່ມຕົ້ນໃນເດືອນກັນຍາ ຄູ່ມືການປະຊຸມຊີວິດແລະວຽກຮັບໃຊ້ ຈະມີຕົວຢ່າງການສະເໜີແບບໃໝ່ທີ່ຊື່ວ່າ: “ສອນຄວາມຈິງ”. ເປົ້າໝາຍກໍເພື່ອເນັ້ນຄວາມຈິງພື້ນຖານໃນຄຳພີໄບເບິນໂດຍໃຊ້ຄຳຖາມແລະຂໍ້ພະຄຳພີ.
ຖ້າມີຄົນສົນໃຈ ເຮົາສາມາດສ້າງໂອກາດເພື່ອຈະກັບໄປຢາມໃນຄັ້ງຕໍ່ໄປໂດຍໃຫ້ເບິ່ງວິດີໂອໃນ jw.org ຫຼືຝາກສິ່ງພິມ. ເຮົາຄວນພະຍາຍາມກັບໄປຢາມພາຍໃນ 2-3 ມື້ເພື່ອສານຕໍ່ການສົນທະນາເທື່ອແລ້ວນີ້. ການສະເໜີໃນຮູບແບບໃໝ່ແລະສ່ວນມອບໝາຍນັກຮຽນຈະອາໄສຂໍ້ມູນໃນຂອບສະຫຼຸບຂອງບົດຕ່າງໆ ໃນປຶ້ມຮຽນຄຳພີໄບເບິນແລ້ວໄດ້ຫຍັງ? (ພາສາໄທ) ເຊິ່ງມີຄຳຖາມແລະຂໍ້ພະຄຳພີເພີ່ມເຕີມທີ່ຈະຊ່ວຍເຮົາໃຫ້ກັບໄປຢາມຫຼືເລີ່ມການສຶກສາໂດຍໃຊ້ຄຳພີໄບເບິນເທົ່ານັ້ນ.
ມີທາງເສັ້ນດຽວເທົ່ານັ້ນທີ່ນຳໄປສູ່ຊີວິດຕະຫຼອດໄປ. (ມັດ. 7:13, 14) ເມື່ອເຮົາເວົ້າກັບຜູ້ຄົນຫຼາຍສາສະໜາແລະມີພູມຫຼັງທີ່ແຕກຕ່າງກັນ ເຮົາຕ້ອງເນັ້ນຄວາມຈິງໃນຄຳພີໄບເບິນໃຫ້ເໝາະກັບເຂົາເຈົ້າເປັນສ່ວນຕົວ. (1 ຕີໂມ. 2:4) ເມື່ອເຮົາຄຸ້ນເຄີຍເລື່ອງໃນຄຳພີໄບເບິນຫຼາຍຂຶ້ນແລະພັດທະນາທັກສະໃນການ ‘ໃຊ້ຖ້ອຍຄຳແຫ່ງຄວາມຈິງຢ່າງຖືກຕ້ອງ’ ກໍຈະເຮັດໃຫ້ເຮົາມີຄວາມສຸກ ແລະເຮົາຈະປະສົບຜົນສຳເລັດໃນການສອນຄວາມຈິງໃຫ້ກັບຄົນອື່ນ.—2 ຕີໂມ. 2:15, ລ.ມ.