ສິ່ງທີ່ເຈົ້າຈະນຳເອົາໄປໃຊ້ໃນວຽກປະກາດ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ລອງຂຽນວິທີສະເໜີວາລະສານຂອງເຈົ້າເອງ
ເປັນຫຍັງເລື່ອງນີ້ສຳຄັນ?: ເຖິງແມ່ນວ່າການສະເໜີໃນຄູ່ມືການປະຊຸມຈະໃຫ້ແງ່ຄິດທີ່ເປັນປະໂຫຍດ ແຕ່ກໍເປັນພຽງຕົວຢ່າງ. ເຈົ້າຄວນໃຊ້ຄຳເວົ້າຂອງເຈົ້າເອງ. ເຈົ້າອາດຄິດເຖິງວິທີສະເໜີແບບອື່ນທີ່ດີກວ່າຫຼືມີຫົວຂໍ້ທີ່ໜ້າສົນໃຈກວ່າສຳລັບຜູ້ຄົນໃນເຂດປະກາດ. ຖ້າເປັນແບບນັ້ນ ຫຼັງຈາກອ່ານວາລະສານແລ້ວໃຫ້ເບິ່ງຕົວຢ່າງການສະເໜີແລະວິດີໂອການສາທິດ. ເຈົ້າອາດໃຊ້ຄຳແນະນຳທາງລຸ່ມນີ້ເພື່ອຄິດວິທີສະເໜີຂອງເຈົ້າເອງ.
ສິ່ງທີ່ຄວນເຮັດ:
ຖາມຕົວເອງວ່າ: ‘ຂ້ອຍຢາກໃຊ້ຕົວຢ່າງການສະເໜີໃນຄູ່ມືການປະຊຸມບໍ?’
ແມ່ນ
ກຽມຄຳນຳ ຫຼັງຈາກທັກທາຍແລ້ວໃຫ້ບອກຢ່າງຊັດເຈນວ່າເຈົ້າມາຢາມຍ້ອນຫຍັງ. (ຕົວຢ່າງ: ຂ້ອຍມາຫາເຈົ້າເພາະ . . .)
ຄິດວິທີທີ່ເຈົ້າຈະໃຊ້ຄຳເຊື່ອມລະຫວ່າງຄຳຖາມ ຂໍ້ພະຄຳພີ ແລະການສະເໜີ. (ຕົວຢ່າງ: ເພື່ອເຊື່ອມໂຍງໄປຫາຂໍ້ພະຄຳພີ ເຈົ້າອາດເວົ້າວ່າ: “ເຈົ້າຈະໄດ້ຄຳຕອບຈາກບ່ອນນີ້.”)
ບໍ່
ເລືອກຫົວເລື່ອງຈາກວາລະສານທີ່ເຈົ້າສົນໃຈແລະຄິດວ່າຄົນໃນເຂດປະກາດຈະສົນໃຈ
ເລືອກຄຳຖາມທີ່ກະຕຸ້ນຄວາມຄິດແລະເລີ່ມການສົນທະນາ ແຕ່ຢ່າເຮັດໃຫ້ເຈົ້າຂອງເຮືອນອຶດອັດ. (ຕົວຢ່າງ: ໃຊ້ຄຳຖາມໃນໜ້າ 2 ຂອງວາລະສານ)
ເລືອກຂໍ້ພະຄຳພີທີ່ຈະອ່ານ. (ຖ້າເຈົ້າສະເໜີວາລະສານຕື່ນເຖີດ! ເຈົ້າອາດເລືອກທີ່ຈະອ່ານຫຼືບໍ່ອ່ານຂໍ້ພະຄຳພີກໍໄດ້ ເພາະວາລະສານນີ້ອອກແບບມາສຳລັບຄົນທີ່ມີຄວາມຮູ້ບໍ່ຫຼາຍກ່ຽວກັບຄຳພີໄບເບິນແລະອາດບໍ່ສົນໃຈສາສະໜາ)
ຄິດປະໂຫຍກ 1 ຫຼື 2 ປະໂຫຍກເພື່ອອະທິບາຍກັບເຈົ້າຂອງເຮືອນວ່າຈະໄດ້ປະໂຫຍດແນວໃດຈາກການອ່ານບົດຄວາມນີ້
ໃນບາງກໍລະນີ
ກຽມຄຳຖາມເພື່ອຈະຕອບເມື່ອກັບໄປຢາມ
ຈົດຂໍ້ມູນເພື່ອຊ່ວຍໃຫ້ຈື່ໄດ້ວ່າເຈົ້າຈະຕອບແນວໃດໃນຄັ້ງຕໍ່ໄປ