ວັນທີ 12-18 ທັນວາ
“ຂ້ານ້ອຍຢູ່ທີ່ນີ້ ເຊີນພະອົງໃຊ້ຂ້ານ້ອຍໄປ”
ນ້ຳໃຈເສຍສະລະຂອງເອຊາອີສົມຄວນທີ່ຈະຮຽນແບບ. ລາວສະແດງຄວາມເຊື່ອແລະຕອບສະໜອງທັນທີຕໍ່ຄວາມຈຳເປັນ ເຖິງວ່າບໍ່ຮູ້ລາຍລະອຽດທັງໝົດ. (ເອຊາ. 6:8) ເຈົ້າຈະປັບປ່ຽນສະພາບການໃນຊີວິດໄດ້ບໍ ເພື່ອຮັບໃຊ້ໃນເຂດທີ່ຕ້ອງການຜູ້ປະກາດຫຼາຍກວ່າ? (ເພງ. 110:3) ແນ່ນອນວ່າເປັນເລື່ອງສຳຄັນທີ່ຈະ “ຄຶດລາຄາ” ຫຼືຄ່າໃຊ້ຈ່າຍຂອງການຍ້າຍແບບນີ້. (ລືກາ 14:27, 28) ເຖິງຢ່າງນັ້ນກໍຕາມ ໃຫ້ເຕັມໃຈເສຍສະລະເພື່ອຜົນປະໂຫຍດຂອງວຽກປະກາດ. (ມັດ. 8:20; ມໂກ. 10:28-30) ດັ່ງທີ່ເນັ້ນໃນວິດີໂອຍ້າຍໄປຮັບໃຊ້ໃນເຂດທີ່ຕ້ອງການຜູ້ປະກາດຫຼາຍກວ່າ ພະພອນຕ່າງໆທີ່ເຮົາໄດ້ຮັບຈາກການຮັບໃຊ້ພະເຢໂຫວາມີຫຼາຍກວ່າເມື່ອສົມທຽບກັບການເສຍສະລະອັນໃດກໍຕາມທີ່ເຮົາໄດ້ເຮັດ.
ຫຼັງຈາກເບິ່ງວິດີໂອ ໃຫ້ຕອບຄຳຖາມຕໍ່ໄປນີ້:
ການເສຍສະລະສ່ວນຕົວແບບໃດທີ່ຄອບຄົວວິນລຽມໄດ້ເຮັດເພື່ອຈະຮັບໃຊ້ໃນເອກົວດໍ?
ເຂົາເຈົ້າພິຈາລະນາເລື່ອງຫຍັງແດ່ເມື່ອເລືອກບ່ອນທີ່ຈະໄປຮັບໃຊ້?
ເຂົາເຈົ້າໄດ້ຮັບພະພອນຫຍັງແດ່?
ເຈົ້າຈະຊອກຂໍ້ມູນຕື່ມໄດ້ຈາກໃສກ່ຽວກັບການຮັບໃຊ້ໃນບ່ອນທີ່ຕ້ອງການຜູ້ປະກາດຫຼາຍກວ່າ?
ໃນການນະມັດສະການຄອບຄົວຄັ້ງຕໍ່ໄປ ໃຫ້ພິຈາລະນາຄຳຖາມຕໍ່ໄປນີ້:
ໃນຖານະເປັນຄອບຄົວ ເຮົາຈະຂະຫຍາຍວຽກປະກາດໄດ້ແນວໃດ? (ພກ 8/11 ໜ້າ 4-6)
ຖ້າເຮົາບໍ່ສາມາດຮັບໃຊ້ໃນເຂດທີ່ຕ້ອງການຜູ້ປະກາດຫຼາຍກວ່າ ເຮົາຈະຊ່ວຍປະຊາຄົມຂອງເຮົາໃນວິທີໃດແດ່? (ຫ 3/16 ໜ້າ 3-5)