ຊີວິດຄລິດສະຕຽນ | ຕັ້ງເປົ້າໝາຍສຳລັບປີການຮັບໃຊ້ໃໝ່

ຍ້າຍໄປຮັບໃຊ້ໃນເຂດທີ່ມີຄວາມຈຳເປັນຫຼາຍກວ່າ

ເຮົາຕ້ອງມີຄວາມເຊື່ອເພື່ອຈະຂະຫຍາຍວຽກຮັບໃຊ້ໂດຍຍ້າຍຈາກບ່ອນທີ່ເຮົາຄຸ້ນເຄີຍໄປຢູ່ບ່ອນໃໝ່. (ຮຣ 11:8-10) ຖ້າເຈົ້າກຳລັງຄິດເຖິງເປົ້າໝາຍທີ່ຈະຍ້າຍໄປຮັບໃຊ້ໃນເຂດທີ່ມີຄວາມຈຳເປັນຫຼາຍກວ່າ ຂໍໃຫ້ລົມເລື່ອງນີ້ກັບຜູ້ດູແລ. ເຈົ້າຕ້ອງເຮັດຫຍັງແດ່ເພື່ອຈະຄິດໄລ່ຄ່າໃຊ້ຈ່າຍແລະເລືອກວ່າຈະໄປຮັບໃຊ້ຢູ່ໃສ? ລອງອ່ານບົດຄວາມກ່ຽວກັບການຮັບໃຊ້ໃນເຂດທີ່ມີຄວາມຈຳເປັນຫຼາຍກວ່າ. ລົມກັບຄົນທີ່ເຄີຍຍ້າຍໄປຮັບໃຊ້ບ່ອນອື່ນ. (ສຸພາ 15:22) ອະທິດຖານຂໍການຊີ້ນຳຈາກພະເຢໂຫວາ. (ຢກບ 1:5) ລອງຄົ້ນຄວ້າຂໍ້ມູນກ່ຽວກັບບ່ອນທີ່ເຈົ້າຢາກຈະຍ້າຍໄປ ແລະຖ້າເປັນໄປໄດ້ ລອງໄປຢູ່ບ່ອນນັ້ນຈັກ 4-5 ມື້ກ່ອນຈະຕັດສິນໃຈ.

ເບິ່ງວິດີໂອມີຄວາມເຊື່ອແລະຮັບໂອກາດທີ່ເປີດກວ້າງໃຫ້ເຮັດວຽກຮັບໃຊ້—ຍ້າຍໄປຮັບໃຊ້ໃນເຂດທີ່ມີຄວາມຈຳເປັນຫຼາຍກວ່າ ແລ້ວຕອບຄຳຖາມຕໍ່ໄປນີ້:

ກາບຣ້ຽນເຈິອຸປະສັກຫຍັງແດ່ ແລະອັນໃດຊ່ວຍລາວໃຫ້ເອົາຊະນະອຸປະສັກເຫຼົ່ານັ້ນໄດ້?

ຖ້າເຈົ້າຕ້ອງການຂໍ້ມູນກ່ຽວກັບປະຊາຄົມໃກ້ຄຽງທີ່ມີຄວາມຈຳເປັນຫຼາຍກວ່າ ຂໍໃຫ້ລົມກັບຜູ້ດູແລໝວດຂອງເຈົ້າ. ຖ້າເຈົ້າຢາກໄດ້ຂໍ້ມູນກ່ຽວກັບປະຊາຄົມທີ່ໄກອອກໄປ ໃຫ້ຂຽນຈົດໝາຍໄປຫາສຳນັກງານສາຂາໂດຍສົ່ງຜ່ານຄະນະກຳມະການການຮັບໃຊ້ຂອງປະຊາຄົມ. ຖ້າບ່ອນທີ່ເຈົ້າຢາກໄປບໍ່ໄດ້ຢູ່ໃນເຂດທີ່ສາຂາຂອງເຈົ້າດູແລ ໃຫ້ຂຽນຈົດໝາຍຫາສຳນັກງານສາຂາທີ່ດູແລເຂດນັ້ນ. ຖ້າເຈົ້າມີບາງບ່ອນໃນໃຈທີ່ຢາກໄປຮັບໃຊ້ ເຈົ້າກໍສາມາດບອກໃນຈົດໝາຍນັ້ນໄດ້.