ຊີວິດຄລິດສະຕຽນ
ວິທີໃຊ້ປຶ້ມເຊື່ອຟັງພະເຈົ້າ
ປຶ້ມເຊື່ອຟັງພະເຈົ້າຖືກອອກແບບເພື່ອສອນຄວາມຈິງພື້ນຖານໃນຄຳພີໄບເບິນໂດຍໃຊ້ການເບິ່ງຮູບພາບສຳລັບຄົນທີ່ຮູ້ສຶກວ່າຍາກທີ່ຈະຮຽນຈາກການອ່ານເນື້ອໃນ. ລັກສະນະເດັ່ນຂອງປຶ້ມຫົວນີ້ກໍຄື ແຕ່ລະບົດມີເນື້ອໃນສອງໜ້າແລະມີຮູບພາບທີ່ເລືອກມາຢ່າງດີ ແລະມີລູກສອນທີ່ຊ່ວຍໃຫ້ຮູ້ວ່າຄວນເບິ່ງຈາກຮູບໃດໄປຫາຮູບໃດ.
ປຶ້ມເຊື່ອຟັງພະເຈົ້າແລ້ວຈະມີຊີວິດຕະຫຼອດໄປມີຮູບຄືກັບປຶ້ມເຊື່ອຟັງພະເຈົ້າ ແຕ່ປຶ້ມນີ້ມີເນື້ອໃນຫຼາຍກວ່າແລະໃຊ້ກັບນັກສຶກສາທີ່ອ່ານໜັງສືໄດ້. ຜູ້ປະກາດມັກໃຊ້ປຶ້ມຫົວນີ້ແລະນັກສຶກສາໃຊ້ປຶ້ມເຊື່ອຟັງພະເຈົ້າ. ໃນຫຼາຍໆໜ້າມີຂອບນ້ອຍໆທີ່ຢູ່ແຈທາງລຸ່ມຂອງຮູບເຊິ່ງມີຂໍ້ຄວາມທີ່ອາດໃຊ້ພິຈາລະນາເພີ່ມເຕີມໄດ້ ຂຶ້ນຢູ່ກັບຄວາມສາມາດຂອງນັກສຶກສາ.
ເຈົ້າອາດສະເໜີປຶ້ມສອງຫົວນີ້ເວລາໃດກໍໄດ້ ເຖິງວ່າບໍ່ແມ່ນປຶ້ມທີ່ກຳນົດໃຫ້ສະເໜີໃນເດືອນນັ້ນ. ເມື່ອນຳການສຶກສາ ໃຫ້ໃຊ້ຮູບເພື່ອອະທິບາຍເລື່ອງທີ່ຂຽນໃນຄຳພີໄບເບິນ. ຖາມຄຳຖາມເພື່ອໃຫ້ນັກສຶກສາມີສ່ວນຮ່ວມໃນການສົນທະນາແລະເພື່ອຮູ້ວ່າລາວເຂົ້າໃຈຫຼາຍໜ້ອຍສ່ຳໃດ. ອ່ານແລະລົມກັນກ່ຽວກັບຂໍ້ພະຄຳພີທີ່ຢູ່ທ້າຍໜ້າ. ຫຼັງຈາກສຶກສາປຶ້ມຫົວນີ້ຈົບແລ້ວ ໃຫ້ສຶກສາປຶ້ມຄຳພີໄບເບິນສອນແນວໃດແທ້ໆ? ເພື່ອຊ່ວຍນັກສຶກສາໃຫ້ກ້າວໜ້າຈົນເຖິງຂັ້ນຮັບບັບເຕມາ.