ຊີວິດຄລິດສະຕຽນ
ຈົ່ງຈື່ເມຍຂອງໂລດ
ເປັນຫຍັງເມຍຂອງໂລດຈຶ່ງຫຼຽວຫຼັງໃນຂະນະທີ່ໜີອອກຈາກເມືອງຊໍດົມ? ຄຳພີໄບເບິນບໍ່ໄດ້ບອກ. (ຕົ້ນ. 19:17, 26) ແວດບົດໃນຄຳເຕືອນຂອງພະເຍຊູຊີ້ໃຫ້ເຫັນວ່າລາວອາໄລອາວອນສິ່ງທີ່ລາວໄດ້ຖິ້ມໄວ້ທາງຫຼັງ. (ລືກາ 17:31, 32) ເຮົາຈະຫຼີກລ່ຽງແນວໃດເພື່ອບໍ່ໃຫ້ສູນເສຍຄວາມພໍໃຈຈາກພະເຈົ້າຄືກັບເມຍຂອງໂລດ? ເຮົາຕ້ອງບໍ່ຍອມໃຫ້ການຢາກມີຄວາມສະດວກສະບາຍມາເປັນສິ່ງສຳຄັນທີ່ສຸດ. (ມັດ. 6:33) ພະເຍຊູສອນວ່າເຮົາ “ເປັນຂ້າໃຊ້ຂອງພະເຈົ້າແລະຂ້າໃຊ້ຂອງເຂົ້າຂອງເງິນຄຳກໍບໍ່ໄດ້.” (ມັດ. 6:24) ແຕ່ຖ້າເຮົາເຫັນວ່າຊັບສົມບັດເລີ່ມມາແທນທີ່ພະເຈົ້າໃນຊີວິດເຮົາ ເຮົາຈະເຮັດແນວໃດ? ເຮົາສາມາດອະທິດຖານຂໍໃຫ້ພະເຢໂຫວາຊ່ວຍເພື່ອໃຫ້ເບິ່ງອອກວ່າເຮົາຈຳເປັນຕ້ອງປ່ຽນຈຸດໃດ ແລະຊ່ວຍໃຫ້ມີຄວາມກ້າແລະມີກຳລັງທີ່ຈະເຮັດແບບນັ້ນ.
ຂໍໃຫ້ເບິ່ງວິດີໂອຈົ່ງຈື່ເມຍຂອງໂລດ ທັງ 3 ຕອນ ແລະຕອບຄຳຖາມຕໍ່ໄປນີ້:
ໂດຍການປະພຶດຂອງຂ້ອຍ ຂ້ອຍຈະສະແດງໃຫ້ເຫັນແນວໃດວ່າຂ້ອຍ “ຈື່ເມຍຂອງໂລດ”?
ຄວາມກົດດັນເພື່ອຈະຫາເງິນຄຳໃຫ້ໄດ້ຫຼາຍໆສົ່ງຜົນຕໍ່ຄວາມຄິດ ຄຳເວົ້າ ແລະການກະທຳຂອງກລໍເຣຍແນວໃດ?
ເມຍຂອງໂລດເປັນຕົວຢ່າງເຕືອນໃຈເຮົາແນວໃດໃນທຸກມື້ນີ້?
ການໃຊ້ຫຼັກການໃນຄຳພີໄບເບິນຊ່ວຍໂຈແລະຄອບຄົວຂອງລາວແນວໃດ?
ການທີ່ແອນນາໄປສະໜິດກັບໝູ່ຢູ່ບ່ອນເຮັດວຽກສົ່ງຜົນຕໍ່ຄວາມເຊື່ອຂອງລາວແນວໃດ?
ເປັນຫຍັງເຮົາຕ້ອງກ້າຫານຖ້າເຮົາຖືກກົດດັນໃຫ້ເອົາການຫາເງິນມາເປັນສິ່ງສຳຄັນທີ່ສຸດ?
ໄບຣອັນແລະກລໍເຣຍໄດ້ຈັດໃຫ້ພະເຈົ້າສຳຄັນທີ່ສຸດໃນຊີວິດອີກເທື່ອໜຶ່ງໄດ້ແນວໃດ?
ມີຫຼັກການຫຍັງແດ່ໃນຄຳພີໄບເບິນທີ່ເຈົ້າເຫັນໃນວິດີໂອ?