ຊີວິດຄລິດສະຕຽນ
“ຍົກຂອງຖວາຍມາຖວາຍແກ່ພະເຢໂຫວາ”
ເຮົາຈະ “ມີນ້ຳໃຈຊອບເພື່ອຈະຍົກຂອງຖວາຍມາຖວາຍແກ່ພະເຢໂຫວາ” ໄດ້ແນວໃດ? (1 ຂ່າວ. 29:5, 9, 14) ເຮົາສາມາດບໍລິຈາກເພື່ອສະໜັບສະໜູນວຽກຮັບໃຊ້ຂອງພະຍານພະເຢໂຫວາທັງພາຍໃນປະເທດແລະທົ່ວໂລກໄດ້ໃນວິທີຕໍ່ໄປນີ້.
ເງິນບໍລິຈາກທາງອອນລາຍຫຼືເງິນທີ່ປ່ອນລົງໃສ່ກ່ອງບໍລິຈາກຊ່ວຍສະໜັບສະໜູນ:
ວຽກງານທົ່ວໂລກ
ວຽກກໍ່ສ້າງແລະການດຳເນີນງານຂອງສຳນັກງານສາຂາແລະສຳນັກງານແປ
ໂຮງຮຽນຕ່າງໆທີ່ອົງການຈັດຂຶ້ນ
ຜູ້ຮັບໃຊ້ເຕັມເວລາປະເພດພິເສດ
ວຽກບັນເທົາທຸກ
ການພິມ ການຜະລິດວິດີໂອ ສື່ແລະສິ່ງພິມໃນຮູບແບບດີຈີຕໍ
ຄ່າໃຊ້ຈ່າຍຂອງປະຊາຄົມ
ຄ່າໃຊ້ຈ່າຍຂອງປະຊາຄົມເຊັ່ນ: ຄ່ານ້ຳ ຄ່າໄຟ ແລະຄ່າບຳລຸງຮັກສາຫໍປະຊຸມ
ເງິນບໍລິຈາກທີ່ປະຊາຄົມຕົກລົງເຫັນດີວ່າຈະສົ່ງໃຫ້ສຳນັກງານສາຂາສຳລັບ . . .
ສ້າງຫໍປະຊຸມທ້ອງຖິ່ນແລະຫໍປະຊຸມໃຫຍ່ທົ່ວໂລກ
ການຊ່ວຍເຫຼືອທົ່ວໂລກ
ກິດຈະກຳອື່ນໆຂອງອົງການໃນທົ່ວໂລກ
ການປະຊຸມໝວດແລະການປະຊຸມພາກ
ເງິນບໍລິຈາກທີ່ໄດ້ຮັບຈາກການປະຊຸມພາກຈະຖືກເອົາໄປລວມກັບເງິນບໍລິຈາກສຳລັບວຽກງານທົ່ວໂລກ. ທີ່ຈິງ ຄ່າໃຊ້ຈ່າຍທີ່ໃຊ້ເພື່ອການປະຊຸມພາກ ການປະຊຸມພິເສດ ແລະການປະຊຸມນານາຊາດແມ່ນມາຈາກເງິນບໍລິຈາກສຳລັບວຽກງານທົ່ວໂລກ.
ເງິນບໍລິຈາກທີ່ພີ່ນ້ອງໃຫ້ກັບໝວດຈະໃຊ້ເພື່ອເຊົ່າ ດຳເນີນງານ ແລະບຳລຸງຮັກສາຫ້ອງປະຊຸມທີ່ໃຊ້ປະຊຸມໃຫຍ່ ແລະຄ່າໃຊ້ຈ່າຍອື່ນໆທີ່ກ່ຽວຂ້ອງກັບໝວດ. ໝວດອາດລົງມະຕິວ່າຈະບໍລິຈາກເງິນສ່ວນທີ່ເຫຼືອໃຫ້ກັບເງິນບໍລິຈາກສຳລັບວຽກງານທົ່ວໂລກ.