ຊີວິດຄລິດສະຕຽນ
ຕິດຕາມການສອນຈາກພະເຈົ້າ
ເປັນຫຍັງຈຶ່ງສຳຄັນ: ພະເຢໂຫວາຄູອົງຍິ່ງໃຫຍ່ໃຫ້ການສຶກສາທີ່ດີທີ່ສຸດແກ່ເຮົາ. ພະອົງສອນເຮົາໃຫ້ຮູ້ວິທີທີ່ຈະປັບປຸງຊີວິດ ແລະກຽມເຮົາສຳລັບອະນາຄົດທີ່ດີເລີດ—ເຮົາບໍ່ຕ້ອງຈ່າຍຄ່າຮຽນນີ້! (ເອຊາ. 11:6-9; 30:20, 21; ຄຳປ. 22:17) ໂດຍການສອນນີ້ ພະອົງຍັງໃຫ້ເຮົາແບ່ງປັນຂ່າວສານທີ່ຊ່ວຍຊີວິດໃຫ້ກັບຄົນອື່ນ.—2 ໂກ. 3:5.
ສິ່ງທີ່ຄວນເຮັດ:
ປູກຝັງຄຸນລັກສະນະຄວາມຖ່ອມແລະຄວາມອ່ອນໂຍນ.—ເພງ. 25:8, 9
ຍອມຮັບການຝຶກອົບຮົມຈາກພະເຢໂຫວາໃນຕອນນີ້ເຊັ່ນ ການເຮັດສ່ວນມອບໝາຍນັກຮຽນໃນການປະຊຸມກາງອາທິດ
ຕັ້ງເປົ້າໝາຍທີ່ຈະຮັບໃຊ້ຫຼາຍຂຶ້ນ.—ຟີລິບ 3:13
ເສຍສະລະເພື່ອຈະໄດ້ຮັບການຝຶກອົບຮົມຫຼາຍຂຶ້ນ.—ຟີລິບ 3:8
ເບິ່ງວິດີໂອໄດ້ຮັບພອນມາກມາຍຖ້າໃຫ້ພະເຢໂຫວາສອນເຮົາ (ບໍ່ມີໃນພາສາລາວ) ຈາກນັ້ນ ຕອບຄຳຖາມຕໍ່ໄປນີ້:
ຜູ້ປະກາດບາງຄົນໄດ້ເອົາຊະນະອຸປະສັກຫຍັງແດ່ເພື່ອທີ່ຈະເຂົ້າໂຮງຮຽນຜູ້ປະກາດລາຊະອານາຈັກ?
ໂຮງຮຽນຜູ້ປະກາດລາຊະອານາຈັກໄດ້ຈັດໃຫ້ມີການຝຶກອົບຮົມຫຍັງແດ່?
ພີ່ນ້ອງໃນປະຊາຄົມໄດ້ຊ່ວຍຜູ້ປະກາດທີ່ຈົບຈາກໂຮງຮຽນໃນເຂດມອບໝາຍໃໝ່ຂອງພວກເຂົາແນວໃດ?
ມີຂໍ້ຮຽກຮ້ອງຫຍັງແດ່ທີ່ຈະສະໝັກເຂົ້າໂຮງຮຽນຜູ້ປະກາດລາຊະອານາຈັກ? (ລປ ໜ້າ 189)
ມີການຝຶກອົບຮົມຫຍັງອີກທີ່ເຈົ້າຕັ້ງເປົ້າໝາຍຈະຮັບເອົາໃນອົງການຂອງພະເຢໂຫວາ?
ມີຜົນດີຫຍັງແດ່ທີ່ເຈົ້າຈະໄດ້ຮັບຈາກການຕິດຕາມການສອນຈາກພະເຈົ້າ?