ຊີວິດຄລິດສະຕຽນ
ເບິ່ງຕົວເອງແບບທີ່ພະເຢໂຫວາເບິ່ງ
“ພະເຢໂຫວາພໍໃຈປະຊາຊົນຂອງເພິ່ນ.” (ເພງ 149:4, ລ.ມ.) ເຖິງວ່າເຮົາຈະບໍ່ສົມບູນແບບ ແຕ່ພະເຢໂຫວາກໍເຫັນຄຸນລັກສະນະທີ່ດີແລະຄວາມສາມາດຂອງເຮົາ. ແຕ່ບາງເທື່ອມັນກໍຍາກທີ່ເຮົາຈະເຫັນຈຸດດີຂອງໂຕເອງ. ເຮົາອາດຈະຮູ້ສຶກວ່າໂຕເອງບໍ່ມີຄ່າຍ້ອນວິທີທີ່ຄົນອື່ນປະຕິບັດກັບເຮົາ. ຫຼືຖ້າເຮົາເບິ່ງແຕ່ຄວາມຜິດພາດໃນອະດີດ ເຮົາກໍອາດສົງໄສວ່າພະເຢໂຫວາຮັກເຮົາແທ້ໆບໍ. ແລ້ວສິ່ງໃດຈະຊ່ວຍເຮົາເມື່ອເຮົາຮູ້ສຶກແບບນີ້?
ຂໍໃຫ້ຈື່ໄວ້ວ່າພະເຢໂຫວາເຫັນສິ່ງທີ່ຄົນເຮົາເບິ່ງບໍ່ເຫັນ. (1ຊມ 16:7) ນັ້ນໝາຍຄວາມວ່າ ເພິ່ນເຫັນສິ່ງຕ່າງໆໃນໂຕເຮົາຫຼາຍກວ່າທີ່ເຮົາເຫັນ. ຄຳພີໄບເບິນຊ່ວຍເຮົາໃຫ້ຮູ້ວ່າພະເຢໂຫວາເບິ່ງເຮົາແນວໃດ. ເຮົາສາມາດເຂົ້າໃຈເລື່ອງນີ້ໄດ້ໂດຍອ່ານຂໍ້ຄຳພີແລະເລື່ອງລາວຕ່າງໆທີ່ສະແດງໃຫ້ເຫັນວ່າພະເຢໂຫວາຮັກຜູ້ຮັບໃຊ້ຂອງເພິ່ນຫຼາຍ.
ເບິ່ງວິດີໂອໝັ້ນໃຈໄດ້ວ່າພະເຢໂຫວາຮັກເຈົ້າ ແລ້ວຕອບຄຳຖາມຕໍ່ໄປນີ້:
ຕົວຢ່າງຂອງນັກແລ່ນແຂ່ງແລະພໍ່ຂອງລາວສອນເຮົາແນວໃດກ່ຽວກັບວິທີທີ່ພະເຢໂຫວາເບິ່ງເຮົາ?
ຖ້າຜູ້ທີ່ເຮັດຜິດຮ້າຍແຮງເຮັດຕາມຂັ້ນຕອນຕ່າງໆເພື່ອກັບມາມີສາຍສຳພັນທີ່ດີກັບພະເຢໂຫວາ ລາວຈະໝັ້ນໃຈໄດ້ແນວໃດວ່າພະເຢໂຫວາຮັກລາວ?—1ຢຮ 3:19, 20
ພີ່ນ້ອງຊາຍໄດ້ຮັບປະໂຫຍດຈາກການອ່ານແລະຄິດຕຶກຕອງເລື່ອງຂອງດາວິດແລະເຢໂຮຊາຟັດແນວໃດ?