ບົດຄວາມເສີມໃນຫໍສັງເກດການ
ພີ່ນ້ອງຫຼາຍຄົນໃຊ້ແອັບ JW Library ເພື່ອກຽມການປະຊຸມແລະເຫັນວ່າສາມາດຊອກຫາບົດຄວາມສຶກສາໃນຫໍສັງເກດການໄດ້ງ່າຍ. ແຕ່ຫໍສັງເກດການສະບັບສຶກສາມີບົດຄວາມອື່ນໆນຳທີ່ມີຄວາມຮູ້ທີ່ເສີມຄວາມເຊື່ອ. ເຮົາຈະຊອກຫາບົດຄວາມເສີມນີ້ໃນແອັບ JW Library ໄດ້ແນວໃດ?
ຢູ່ທາງລຸ່ມສຸດຂອງແຕ່ລະບົດຄວາມສຶກສາຈະມີຫົວຂໍ້ທີ່ຊື່ວ່າ “ຂໍ້ມູນເພີ່ມເຕີມ” ໃຫ້ກົດລິ້ງທີ່ມີຊື່ວ່າ “ບົດຄວາມອື່ນໆໃນປຶ້ມນີ້.” ແລ້ວມັນຈະພາໄປທີ່ໜ້າສາລະບານ ຈາກນັ້ນ ເຈົ້າຈະເຫັນຊື່ເລື່ອງຂອງບົດຄວາມສຶກສາແລະເຫັນວ່າເປັນບົດຄວາມສຶກສາທີເທົ່າໃດ. ນອກຈາກນັ້ນ ເຈົ້າຈະເຫັນຊື່ເລື່ອງຂອງບົດຄວາມເສີມທີ່ເຈົ້າຢາກອ່ານ.
ໜ້າຫຼັກຂອງແອັບ JW Library ມີສ່ວນທີ່ມີຊື່ວ່າ “ລາຍການໃໝ່” ເຊິ່ງເຈົ້າສາມາດດາວໂຫຼດ ຫໍສັງເກດການສະບັບໃໝ່ໄດ້. ຫຼັງຈາກດາວໂຫຼດແລ້ວໃຫ້ກົດເຂົ້າໄປ ແລ້ວເຈົ້າຈະເຫັນບົດຄວາມທັງໝົດຂອງຫໍສັງເກດການສະບັບນັ້ນ. ຂໍໃຫ້ເຈົ້າອ່ານທຸກບົດຄວາມເພື່ອຈະໄດ້ຮັບປະໂຫຍດຢ່າງເຕັມທີ.