ເຄັດລັບການຄົ້ນຄວ້າ
ເລືອກສິ່ງທີ່ເຮົາຄວນຈະສຶກສາກ່ອນ
ເຮົາທຸກຄົນມີເວລາຈຳກັດທີ່ຈະສຶກສາສ່ວນຕົວ. ສະນັ້ນ ເຮົາຈະໃຊ້ເວລານີ້ຢ່າງເກີດຜົນຫຼາຍທີ່ສຸດໄດ້ແນວໃດ? ທຳອິດ ໃຊ້ເວລາໃຫ້ພຽງພໍໃນສິ່ງທີ່ກຳລັງອ່ານ. ຖ້າເຮົາສຶກສາຂໍ້ມູນສັ້ນໆຢ່າງລະອຽດ ເຮົາກໍຈະໄດ້ຮັບປະໂຫຍດຫຼາຍກວ່າການສຶກສາຂໍ້ມູນຫຼາຍໆ.
ຈາກນັ້ນ ໃຫ້ຈັດລຳດັບຄວາມສຳຄັນ. (ອຟຊ. 5:15, 16) ຄຳແນະນຳຕໍ່ໄປນີ້ອາດຈະຊ່ວຍໄດ້:
ອ່ານຄຳພີໄບເບິນທຸກມື້. (ເພງ. 1:2) ໃນການປະຊຸມກາງອາທິດຈະມີຕາຕະລາງການອ່ານຄຳພີໄບເບິນປະຈຳອາທິດ. ເຈົ້າອາດຈະເລີ່ມອ່ານຄຳພີໄບເບິນເປັນປະຈຳໂດຍເຮັດຕາມຕາຕະລາງນີ້.
ກຽມຫໍສັງເກດການແລະການປະຊຸມກາງອາທິດ. ພະຍາຍາມກຽມພ້ອມທີ່ຈະອອກຄວາມຄິດເຫັນ.—ເພງ. 22:22.
ໃຫ້ພະຍາຍາມອ່ານແລະເບິ່ງປຶ້ມແລະວິດີໂອທີ່ເສີມຄວາມເຊື່ອຂອງເຮົາເຊັ່ນ: ປຶ້ມທີ່ຈັດພິມເພື່ອສາທາລະນະ ວິດີໂອ ແລະ ບົດຄວາມອື່ນໆໃນເວັບໄຊ jw.org.
ເຈົ້າມີຫົວຂໍ້ທີ່ເຈົ້າສົນໃຈຢາກສຶກສາຕື່ມອີກບໍ ເຈົ້າອາດຄົ້ນຄວ້າກ່ຽວກັບບັນຫາທີ່ເຈົ້າກຳລັງເຈິ ຄຳຖາມທີ່ເຈົ້າຢາກຮູ້ຄຳຕອບ ຫຼື ເລື່ອງໃນຄຳພີໄບເບິນທີ່ເຈົ້າຢາກເຂົ້າໃຈຫຼາຍຂຶ້ນ. ເພື່ອຈະຊ່ວຍໃນການເລືອກຫົວຂໍ້ ໃຫ້ເບິ່ງສ່ວນ “ກິດຈະກຳການສຶກສາພະຄຳພີ” ໃນເວັບໄຊ jw.org. (ພາສາໄທ)