ບົດຮຽນ 16
ຈົ່ງສະແດງຄວາມຮັກຂອງທ່ານຕໍ່ພະເຈົ້າ
ເພື່ອຈະຮັກສາເພື່ອນໄວ້ ທ່ານຕ້ອງເວົ້າກັບເຂົາ. ທ່ານຮັບຟັງເຂົາ ແລະເຂົາກໍຮັບຟັງທ່ານ. ນອກຈາກນີ້ ທ່ານເວົ້າສິ່ງທີ່ດີກ່ຽວກັບເພື່ອນຂອງທ່ານໃຫ້ຄົນອື່ນຟັງດ້ວຍ. ການເປັນເພື່ອນກັບພະເຈົ້າກໍເປັນແບບດຽວກັນ. ຂໍພິຈາລະນາສິ່ງທີ່ຄຳພີໄບເບິນກ່າວກ່ຽວກັບເລື່ອງນີ້:
ສົນທະນາກັບພະເຢໂຫວາເປັນປະຈຳໃນການອະທິດຖານ. “ຈົ່ງອ້ອນວອນຢູ່ເລື້ອຍ.”—ໂລມ 12:12.
ອ່ານພະຄຳຂອງພະເຈົ້າ ຄຳພີໄບເບິນ. “ພະຄຳພີໝົດສິ້ນເປັນດ້ວຍພະວິນຍານຂອງພະເຈົ້າແລະເປັນປະໂຫຍດສຳລັບສັ່ງສອນກໍດີ ສຳລັບໃຫ້ຮູ້ແຈ້ງກໍດີ ສຳລັບຕີສອນກໍດີ ສຳລັບແອບສອນໃນຄວາມຊອບທຳກໍດີ.”—2 ຕີໂມເຕ 3:16.
ສອນຄົນອື່ນກ່ຽວກັບພະເຈົ້າ. “ເຫດສັນນີ້ທ່ານທັງຫຼາຍຈົ່ງໄປສັ່ງສອນຊົນທຸກຊາດໃຫ້ເປັນສາວົກ . . . ສອນເຂົາໃຫ້ຖືຮັກສາສິ່ງສາລະພັດຊຶ່ງເຮົາໄດ້ສັ່ງພວກເຈົ້າໄວ້.”—ມັດທາຍ 28:19, 20, ລ.ມ.
ເຂົ້າໄປໃກ້ເພື່ອນຂອງພະເຈົ້າ. “ບຸກຄົນທີ່ດຳເນີນນຳຄົນມີປັນຍາກໍຈະເປັນຄົນມີປັນຍາ.”—ສຸພາສິດ 13:20, ລ.ມ.
ເຂົ້າຮ່ວມປະຊຸມທີ່ຫໍປະຊຸມລາຊະອານາຈັກ. “ຈົ່ງລະວັງຄຶດເຖິງກັນແລະກັນ ເພື່ອຈະໄດ້ເຕືອນໃຈກັນໃຫ້ປົງໃຈຮັກກັນແລະກັນແລະກະທຳການດີ . . . ເຕືອນສະຕິກັນແລະກັນ.”—ເຫບເລິ 10:24, 25.
ຊ່ວຍສະໜັບສະຫນູນວຽກງານລາຊະອານາຈັກ. “ທ່ານທຸກຄົນຈົ່ງປະທານໃຫ້ຕາມທີ່ໄດ້ຄຶດໝາຍໄວ້ໃນໃຈ ບໍ່ໃຊ່ດ້ວຍຄຶດເສຍດາຍ ບໍ່ໃຊ່ດ້ວຍຂືນໃຈໃຫ້ ເຫດວ່າພະເຈົ້າຮັກຄົນທີ່ໃຫ້ດ້ວຍໃຈຍິນດີ.”—2 ໂກລິນໂທ 9:7.