ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ເລີ່ມການສຶກສາຄຳພີໄບເບິນຢູ່ໜ້າບ້ານໂດຍໃຊ້ຈຸນລະສານຂ່າວດີຈາກພະເຈົ້າ!
ເປັນຫຍັງຈຶ່ງສຳຄັນ? ເພື່ອຈະເຮັດໃຫ້ຄົນເປັນລູກສິດ ເຮົາຕ້ອງເປັນຄູສອນຄຳຂອງພະເຈົ້າ. (ມັດ. 28:19, 20) ເຮົາທຸກຄົນສາມາດສອນຄວາມຈິງໃນວິທີທີ່ເກີດຜົນດີ. ຈຸນລະສານຂ່າວດີຈາກພະເຈົ້າ! ເປັນເຄື່ອງມືທີ່ໄດ້ຮັບການອອກແບບເປັນພິເສດເພື່ອຊ່ວຍເຮົາສອນຄວາມຈິງໃຫ້ກັບຄົນອື່ນ. ທີ່ຈິງ ເຮົາສາມາດໃຊ້ຈຸນລະສານນີ້ເລີ່ມການສຶກສາຄຳພີໄບເບິນຢູ່ໜ້າບ້ານກັບເຈົ້າຂອງບ້ານຕັ້ງແຕ່ທຳອິດເລີຍກໍໄດ້.
ລອງເຮັດໃນເດືອນນີ້:
ອະທິດຖານຂໍໃຫ້ເຮົາຢາກເລີ່ມສຶກສາຄຳພີໄບເບິນ ລວມທັງຂໍພະເຢໂຫວາຊ່ວຍເຮົາໃຫ້ພົບຄົນສົນໃຈແລະຊ່ວຍເຮົາໃຫ້ເປັນຄູສອນຄວາມຈິງທີ່ດີ.—ຟີລິບ 2:13
ໃນລະຫວ່າງການນະມັດສະການປະຈຳຄອບຄົວ ຫຼືການສຶກສາສ່ວນຕົວໃຫ້ພະຍາຍາມຈື່ວິທີການສະເໜີຈຸນລະສານ ເພື່ອເຮົາຈະສາມາດເວົ້າດ້ວຍຄວາມໝັ້ນໃຈ ແລະເລີ່ມການສຶກສາຄຳພີໄບເບິນຢູ່ໜ້າບ້ານໄດ້ເມື່ອອອກໄປປະກາດ.