ຊີວິດຄລິດສະຕຽນ
ຝຶກສອນພວກເຂົາໃຫ້ຮັບໃຊ້ພະເຢໂຫວາຢູ່ສະເໝີ
ເຮົາເຫັນໄດ້ວ່າຜູ້ປະກາດໃຫມ່ທີ່ໄດ້ຮັບການຝຶກສອນຕັ້ງແຕ່ທຳອິດຈະມີຄວາມກະຕືລືລົ້ນຢູ່ສະເໝີແລະມີຄວາມຊຳນານໃນວຽກປະກາດ. (ສຸພາ. 22:6; ຟີລິບ 3:16) ຕໍ່ໄປນີ້ແມ່ນຄຳແນະນຳກ່ຽວກັບວິທີທີ່ເຈົ້າສາມາດຊ່ວຍນັກສຶກສາໃຫ້ມີພື້ນຖານທີ່ໝັ້ນຄົງໃນການປະກາດ:
ເມື່ອນັກສຶກສາຂອງເຈົ້າໄດ້ຮັບອະນຸມັດໃຫ້ເປັນຜູ້ປະກາດໃຫ້ເລີ່ມຝຶກສອນລາວທັນທີ. (ວຮ 8/15 ໜ້າ 1) ປູກຝັງລາວໃຫ້ຮູ້ສຶກດີແລະເຫັນຄວາມສຳຄັນຂອງການມີສ່ວນຮ່ວມໃນວຽກປະກາດທຸກໆອາທິດ. (ຟີລິບ 1:10) ເວົ້າກັບລາວກ່ຽວກັບເຂດປະກາດໃນແງ່ບວກ. (ຟີລິບ 4:8) ສະໜັບສະໜູນລາວໃຫ້ປະກາດກັບຜູ້ນຳກຸ່ມແລະຜູ້ປະກາດຄົນອື່ນໆເພື່ອຈະໄດ້ຮຽນຮູ້ຈາກປະສົບການຂອງເຂົາເຈົ້າ.—ສຸພາ. 1:5; ວຮ 10/12 ໜ້າ 6 ຫຍໍ້ໜ້າ 3
ຫຼັງຈາກນັກສຶກສາຂອງເຈົ້າຮັບບັບເຕມາ ໃຫ້ໜູນກຳລັງໃຈແລະຝຶກສອນລາວຕໍ່ໆໄປໃນວຽກປະກາດ ໂດຍສະເພາະ ຖ້າຫາກລາວສຶກສາປຶ້ມ “ເປັນທີ່ຮັກ” ຍັງບໍ່ຈົບ—ວຮ 12/13 ໜ້າ 7
ໃຊ້ການສະເໜີແບບງ່າຍໆເມື່ອໄປປະກາດກັບຜູ້ປະກາດໃໝ່ ຫຼັງຈາກນັກສຶກສາປະກາດແລ້ວໃຫ້ຊົມເຊີຍລາວຢ່າງໃຈກວ້າງແລະໃຫ້ຄຳແນະນຳທີ່ຈະຊ່ວຍລາວໃຫ້ມີຄວາມຊຳນານຫຼາຍຂຶ້ນ.—ວຮ 5/10 ໜ້າ 7