ຄລິດສະຕຽນ​ແທ້​ມີ​ຄວາມ​ຮັກ​ຕໍ່​ກັນ—ບໍ່​ເຫັນ​ແກ່​ປະໂຫຍດ​ສ່ວນ​ຕົວ​ແລະ​ບໍ່​ຮ້າຍ​ງ່າຍ

ເປັນ​ຫຍັງ​ຈຶ່ງ​ສຳຄັນ? ພະ​ເຍຊູ​ສອນ​ວ່າ​ຄວາມ​ຮັກ​ເປັນ​ເອກະລັກ​ຂອງ​ລູກ​ສິດ​ເພິ່ນ. (ໂຢ. 13:34, 35) ເພື່ອ​ຈະ​ສະແດງ​ຄວາມ​ຮັກ​ແບບ​ພະ​ຄລິດ ເຮົາ​ຕ້ອງ​ຄິດ​ເຖິງ​ຜົນ​ປະໂຫຍດ​ຂອງ​ຄົນ​ອື່ນ​ແລະ​ບໍ່​ໃຈ​ຮ້າຍ​ງ່າຍ.—1 ໂກ. 13:5

ສິ່ງ​ທີ່​ຄວນ​ເຮັດ:

• ເມື່ອ​ມີ​ໃຜ​ເວົ້າ​ຫຼື​ເຮັດ​ໃຫ້​ເສຍໃຈ ໃຫ້​ຢຸດ​ແລະ​ຄິດ​ເຖິງ​ສາເຫດ​ຂອງ​ບັນຫາ ແລະ​ຜົນ​ເສຍ​ທີ່​ຕາມ​ມາ​ຖ້າ​ເຈົ້າ​ຕອບ​ໂຕ້.—ສຸພາ. 19:11

• ຈື່​ໄວ້​ວ່າ​ບໍ່​ມີ​ໃຜ​ສົມບູນ​ແບບ ບາງ​ເທື່ອ​ເຮົາ​ກໍ​ເວົ້າ​ຫຼື​ເຮັດ​ບາງ​ຢ່າງ​ທີ່​ເຮັດ​ໃຫ້​ເຮົາ​ຕ້ອງ​ເສຍໃຈ​ພາຍ​ຫຼັງ.

• ແກ້ໄຂ​ເລື່ອງ​ທີ່​ຂັດ​ແຍ້ງ​ກັນ​ທັນທີ.

ເປີດ​ວິດີໂອ​ໃຫ້ “ມີ​ຄວາມ​ຮັກ​ໃນ​ທ່າມກາງ​ພວກ​ທ່ານ”—ບໍ່​ເຫັນ​ແກ່​ປະໂຫຍດ​ສ່ວນ​ຕົວ​ແລະ​ບໍ່​ຮ້າຍ​ງ່າຍ ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ລາຣີ​ສະແດງ​ທ່າທີ​ທີ່​ບໍ່​ດີ​ຕໍ່​ທອມ​ແນວ​ໃດ?

• ການ​ຢຸດ​ແລະ​ຄິດ​ກ່ອນ​ຈະ​ຕອບ​ຊ່ວຍ​ທອມ​ບໍ່​ໃຫ້​ເປັນ​ຄົນ​ໃຈ​ຮ້າຍ​ງ່າຍ​ແນວ​ໃດ?

• ການ​ທີ່​ທອມ​ຕອບ​ແບບ​ສຸພາບ​ຊ່ວຍ​ໃຫ້​ສະຖານະການ​ດີ​ຂຶ້ນ​ແນວ​ໃດ?