ບົດຮຽນທີ 5
ການອ່ານຢ່າງຖືກຕ້ອງ
1 ຕີໂມເຕ 4:13
ຈຸດສຳຄັນ: ອ່ານອອກສຽງໃຫ້ຖືກຕ້ອງຕາມຄຳທີ່ຂຽນໄວ້.
ສິ່ງທີ່ຄວນເຮັດ:
ກຽມຕົວເປັນຢ່າງດີ. ໃຫ້ຄິດເຖິງເຫດຜົນວ່າເປັນຫຍັງຈຶ່ງມີການຂຽນຂໍ້ຄວາມທີ່ເຈົ້າອ່ານ. ຝຶກອ່ານເປັນກຸ່ມຄຳ ບໍ່ແມ່ນອ່ານເປັນຄຳໆ. ລະວັງຢ່າຕື່ມຄຳ ຂ້າມຄຳ ຫຼືປ່ຽນຄຳໃດຄຳໜຶ່ງ. ໃຫ້ເບິ່ງເຄື່ອງໝາຍວັກຕອນທັງໝົດທີ່ຢູ່ໃນຂໍ້ຄວາມທີ່ເຈົ້າອ່ານ.
ອອກສຽງແຕ່ລະຄຳໃຫ້ຖືກຕ້ອງ. ຖ້າເຈົ້າບໍ່ຮູ້ວ່າຄຳນັ້ນອອກສຽງແນວໃດ ໃຫ້ເບິ່ງຈາກວັດຈະນານຸກົມ ຟັງສຽງບັນທຶກການອ່ານຂອງປຶ້ມນັ້ນ ຫຼືຖາມຄົນທີ່ອອກສຽງໄດ້ດີ.
ອອກສຽງໃຫ້ແຈ້ງ. ອອກສຽງແຕ່ລະຄຳໃຫ້ດີ ເງີຍໜ້າຂຶ້ນ ອ້າປາກໃຫ້ກວ້າງ ແລະພະຍາຍາມອອກສຽງທຸກຄຳໃຫ້ແຈ້ງ.