ເພງທີ 136
ລາງວັນທີ່ດີທີ່ສຸດຈາກພະເຢໂຫວາ
(ລຶດ 2:12)
1. ເຢໂຫວາສັດຊື່ ໂດຍສົນໃຈຢ່າງເຕັມທີ
ຕໍ່ຜູ້ ທີ່ຮັບໃຊ້ ສຸດຫົວໃຈ
ພະອົງ ຮູ້ວ່າການ ອຸທິດຕົວ ໃຫ້ພະອົງ
ຈະຕ້ອງ ໄດ້ສະລະ ໃນຫຼາຍຢ່າງ
ຖ້າເຈົ້າ ເສຍສະລະ ເຮືອນຫຼືຄອບຄົວຫຼືໝູ່
ໃຫ້ຮູ້ ວ່າພະເຈົ້າ ນັ້ນບໍ່ລືມ
ພະອົງ ຕອບແທນເຈົ້າ ໃຫ້ມີສັງຄົມພີ່ນ້ອງ
ພ້ອມທັງ ມີຊີວິດ ໃນໂລກໃໝ່
(ທ່ອນຊ້ຳ)
ເຢໂຫວາຈະຕອບແທນສິ່ງທີ່ເຈົ້າເຮັດ ພະອົງຈະໃຫ້ລາງວັນທີ່ດີທີ່ສຸດ
ເຈົ້າຈະປອດໄພໃຕ້ປີກຂອງພະອົງ ເຢໂຫວາຜູ້ຊອບທຳ ພະເຈົ້າຜູ້ສັດຈິງ
2. ເຮົາອາດຮູ້ສຶກວ່າ ຊີວິດສູນເສຍຫຼາຍຢ່າງ
ເຮັດໃຫ້ ຕ້ອງບາກບັ່ນ ແລະດີ້ນຮົນ
ບາງຄັ້ງ ກໍມີເລື່ອງ ໃຫ້ກັງວົນ ແລະເມື່ອຍໃຈ
ຈົນເກີນ ກຳລັງເຮົາ ຈະຮັບມື
ພະເຈົ້າ ຜູ້ປອບໂຍນ ຮູ້ຄວາມຕ້ອງການຂອງເຈົ້າ
ພະອົງ ໄດ້ຍິນເຈົ້າ ອະທິດຖານ
ພະລັງ ບໍລິສຸດ ຄວາມຈິງແລະເພື່ອນທີ່ຮັກ
ຈະໃຫ້ ການປອບໂຍນ ແລະດູແລ
(ທ່ອນຊ້ຳ)
ເຢໂຫວາຈະຕອບແທນສິ່ງທີ່ເຈົ້າເຮັດ ພະອົງຈະໃຫ້ລາງວັນທີ່ດີທີ່ສຸດ
ເຈົ້າຈະປອດໄພໃຕ້ປີກຂອງພະອົງ ເຢໂຫວາຜູ້ຊອບທຳ ພະເຈົ້າຜູ້ສັດຈິງ
(ເບິ່ງຕື່ມ ຕັດສິນ. 11:38-40; ເອຊາ. 41:10)