ເພງທີ 45
ສິ່ງທີ່ຄິດຕຶກຕອງໃນໃຈ
1. ຂ້ອຍຄິດຕຶກຕອງຢູ່ພາຍໃນໃຈ
ຄິດເຖິງເລື່ອງນີ້ຕະຫຼອດທັງວັນ
ຢາກເປັນຄົນທີ່ພະເຈົ້າຍອມຮັບ
ໃຫ້ຂ້ອຍໝັ້ນຄົງໃນທາງພະອົງ
ເມື່ອຂ້ອຍເກີດຄວາມກັງວົນໃນໃຈ
ກາງຄືນຈຶ່ງຂົ່ມຕາຫຼັບບໍ່ລົງ
ຂ້ອຍຄິດໄຄ່ຄວນເລື່ອງຂອງພະອົງ
ຂ້ອຍຈະຄິດເຖິງແຕ່ສິ່ງທີ່ດີ
2. ສິ່ງໃດທີ່ຈິງແລະບໍລິສຸດ
ສິ່ງໃດທີ່ເປັນສິ່ງທີ່ຊອບທຳ
ສິ່ງໃດໜ້າຊົມເຊີຍແລະສຳຄັນ
ໃຫ້ຂ້ອຍໄຄ່ຄວນເພື່ອສະຫງົບໃຈ
ຄວາມຄິດຂອງພະເຈົ້າມີຄ່າຫຼາຍ
ເລີດລ້ຳເກີນກວ່າຈະພັນລະນາ
ຈຶ່ງຂໍຕຶກຕອງຄຳຂອງພະອົງ
ໃຫ້ຂ້ອຍຄິດເຖິງແຕ່ເລື່ອງພະເຈົ້າ
(ເບິ່ງຕື່ມ ເພງ. 49:3; 63:6; 139:17, 23; ຟີລິບ 4:7, 8; 1 ຕີໂມ. 4:15)