VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Ya Wulozu Gala Kɔlɔi Ma Woo Ziɣiitiɛ Zu-Nu-Ma?
Gala Kɔlɔi ma woo ziɣiitiɛ ta ga zɛɓɛ? Su-wulo-zu ɣa ga, Gala goi niitiɛ te dodoga Gala Kɔlɔi nii zu New World Translation. Ta goo ziɣi niitiɛ ɓɛtɛzu zii-woo lamaa zu ga pɛlɛ-pɛlɛ. Niitiɛ ʋɔlɔ e kɛɛ goo ziɣii nii vagɛi tɔ ga, ta numaa ziɣi ga te te woo ziɣi nu ɣile-giledaitiɛ faa ma Gala goitiɛ zu. Numai niitiɛ ta dodo ga pagɔ, tiɛ gaa ɣɛ kala ga taitiɛ ta wuito ma te Gala Kɔlɔi ɣaa ɣa ga pagɔ.
Numaa ta wulozu goo ziɣii niitiɛ zu-nu-ma ɣɛ le? Taitiɛ ta wuito goo ziɣii niitiɛ ma, te wõini ga velei towa ɓɔ la te va tiɛ ɣi-gaa-ziɛ e ɣɛ fai niitiɛ ta ɣɛ ɣɛɛzu tiɛ pɛtɛ. Ta ɣɛ numaa ɓalaga woo mɛnisu, tiɛ ɣi-gaa-ziɛ ga velei faitiɛ te ɣɛɛni la, e leve ani ta ɓɔɔ ta ɣɛna dodosu. (Pr 4:5) Numaa taniga te ɣɛ wɔnɔ, towa ɓɔ te va e te yii-la ani te yii ɣa ɣɛna zuulizu.—Ps 94:19.
Ta ɣɛna Gala Kɔlɔi lodosu diɛ mɛni towa ɓɔ de va ga ʋeke. (2Ch 34:19-21) Ani goo ziɣii nii ta ɣa zii-woi nii zu ya gaa ɣa, e ɣisu tɔ ga faa vagɔ ga yiɛ pɛɛ ya Ɣala feli velei va siɛ nɛpɛ?
A WƐLƐ ƲILIGO NII VA VELEI TA GALA KƆLƆI MA WOO ZIƔIITIƐ ƁƐTƐ LA—MA ƁUOGI, NA ƔA ƔƐƐNA WO GAA-ZAƔA-KƐƐ NII ƔAA WOTE:
Zɛɓɛi e e wuuzu nɛɛ e vile velei va ta Gala Kɔlɔi ma woo ziɣii ɓɛtɛ la?