KALABO 11

Yɛpɛ Ga È Numaa Yii Zo

Loomɛitiɛ 12:11

NIITIƐ MAA NƐƐ E KƐ: Ya ɣɛna zɛpɛ ʋeezu, ɣaa-ɓaa ga ya yɛpɛi numaitiɛ yii zo na ɣa ɓɔ te va ga te ziɛ ga niitiɛ te maa wolia.

Keela woi e bosu maa nɛɛ e e yii zo. Ya ɣɛna ɣavele ɓɛtɛzu ɣaa-ɓaa e kwɛ̃ɛ nii e kɛɛ keela woi na ga faa ɓi. Niitiɛ e vaazu bosu, maa woli ɓɔɔ ga pagɔ ga ya zoo e bo ɓɔɔ kuloai e ɣigii zu.
Ɣi-gaa-ziɛ niitiɛ ma te vaazu wuitosu e woo ma. Ɣi-gaa-ziɛ ga velei ya yɛpɛi ɔɔ nii e vaazu dodosu e vaazu ɓɔsu la numaitiɛ va. Ɣi-gaa-ziɛ pelei taniga ma ga ya zɛpɛi na ʋee la ga e ziiti ɓɔɔ numaitiɛ yii ma ga te wulo su-nu-ma.
Yɛpɛ ga e ɣigii ɣaazɔ. Ya ɣɛna yɛpɛzu, ɣaa-ɓaa ga e numaitiɛ yii zo. Dɛ ga velei e ɣi-gaa-ziɛzu la e vile niitiɛ va e bosu ga velei ya ɣɛ yeetiɛ ɣɛɛzu la e vɛɛ e ɣaazu ɓɛtɛ velei va.

Mɛlɛ ɣɛ nɔ faa gilagi ɣɛɛzu, towa kɛ numaitiɛ te ɣi-daa vili. Velei ya ɣɛ e yee ɣɛɛzu la maa nɛɛ e vile nii va e bosu. Ya ɣɛna faa ɓigiitiɛ lɛɛzu ɔɔ yiɛ fai ta wo ga maa nɛɛ numaitiɛ te ziɛ la, bo ga e numaitiɛ yii zo. Siɛ pɛ taale maa nɛɛ e woo lɛ ga e faa ɓigiitiɛ lɛ, na laale ya kɛ numaitiɛ te ɓɔlɔ sa wuitosu e woo ma.