KALABO 8

Po-Kɔ̃ɔ-Mai Nii Numaa Ta Faa Maa Woli Su

Mafiyu 13:34, 35

NIITIƐ MAA NƐƐ E KƐ: Yɛpɛ e vile po-kɔ̃ɔ-mai niitiɛ va ya ziiti numaa yii ma na ɣa ɣɛɛna e ɓɔ te va te faa ɓigii wɛ̃ɛ.

Po-kɔ̃ɔ-mai niitiɛ ziɣi gaa ɣaazu lɛ ɓaani. E ɣɛ velei Ziizɛ kɛɛni la, yɛpɛ e vile niitiɛ va numaa te kwɛ̃ni ga e fai ta zu-wulo gaa ɣaazu ɓai. Mɛlɛ yɛpɛ ga tamaa e vile faa lamaa va ga ɔ kɛ numaitiɛ te ɣi-daa ɔ vili. Nii nɛpɛ ya yɛpɛ e vile ba ya ɣɛna po-kɔ̃ɔ-mai ʋeezu, ɣaa-ɓaa ga e vile faa ɓigii va e wõini e dɛ.

Ɣɛ ga faa maa ɓɛɛ nu. Ya wɛlɛ niitiɛ va te e woba, e da wɔlɔi taniga lodo na ɣa ɣɛɛna e wuito de ɣaa yɔwɔ̃i niitiɛ ma te zoogɛi ɓɔɔ kalabo bosu. Ya na ɣɛɛna ɣi-gaa-ziɛ sa po-kɔ̃ɔ-mai nii ma ya wõi ga e yɛpɛ e vile ba. Ɣaa-ɓaa e te wonɛ ŋadai ta.
Ɣi-gaa-ziɛ niitiɛ ma ya ɓɔ numaitiɛ va. Yɛpɛ e vile niitiɛ va numaa te kwɛ̃ni tɔwɔ ta kɛ siɛ lamaa. Ɣaa-ɓaa ga po-kɔ̃ɔ-mai e yɛpɛzu e vile ba e mɛlɛ kɛ numaitiɛ tɔ wũfe ɔɔ é ɓaa wulo te ma.
Faa ɓigii lɛ. Yɛpɛ e vile po-kɔ̃ɔ-mai nii va ya faa ɓigii ɣaa ɣɛ kala. Mɛlɛ yɛpɛ e vile faa vɛlɛ-vɛlɛgi ɓɔgapɛ ba. Ɣaa-ɓaa ga numaitiɛ te ɣigii yɛ faa ɓigii zu ɛ lɛ nɔ ga po-kɔ̃ɔ-mai.