KALABO 1

Velei Ya Zɛpɛ Lɔɔ Zei La Ga Pagɔ

Te Ɣɛɛ Ʋaitiɛ 17:22

NIITIƐ MAA NƐƐ E KƐ: Ya ɣɛna zɛpɛ lɔɔ zeizu, taitiɛ e yɛpɛzu te wɔ ɓɔ te va ga te wõi ga niitiɛ wo vaazu yɛpɛzu e vile ba. Ɓɔ te va te niitiɛ wɛ̃ɛ wo vaazu yɛpɛzu e vile ba. Na ɣa ɣɛɛna, zaɓui lɛ e kɛɛ e ga faa ɓi te ʋaa ma.

VELEI YA NA ƔƐƐ LA:

Ɓɔ te va ga te wõi ga niitiɛ wo vaazu yɛpɛzu e vile ba. Ɣi-gaa-ziɛ gaa-zaɣa-kɛɛ taniga ma ga e bo. Faa taniga wo, yɛpɛ e vile fai ta va nui ta leveni su ɔɔ e vile ki-daa-wodoi taniga va è maa zɔlɔ woga ga yá numaitiɛ yii zo.

Ya ɣɛna ya yɛpɛi ɣavele ɓɛtɛzu, ɣi-gaa-ziɛ niitiɛ ma e numaitiɛ yii ma ta niitiɛ te ɣi-gaa-ziɛzu ma. Na ɣa ɣɛɛna, yɛpɛ e vile ba ga e ya yɛpɛi lɔɔ-zei.
Ɓɛ numaitiɛ te niitiɛ wɛ̃ɛ wo vaazu yɛpɛzu e vile ba. Ya yɛpɛi lɔɔ-zei zuvɛ, ɣaa-ɓaa e ɓɔ numaitiɛ va ga te niitiɛ wɛ̃ɛ wo vaazu yɛpɛzu e vile ba. Na ɣa ɣɛɛna e zaɓui lɛ e kɛɛ e vaazu yɛpɛzu e vile ba.
Nii e vaazu yɛpɛzu e vile ba, zaɓui lɛ e kɛɛ e ga faa ɓi. Yɛpɛ e vile fai ta va e numaitiɛ yii ma. Na ɣa ɣɛɛna ɓɔ te va te kwɛ̃ɛ velei te ɣile-giledaitiɛ ta wulo la nii zu-nu-ma e vaazu yɛpɛzu e vile ba.

Ani ya ɣɛna ya yɛpɛi ɣavele ɓɛtɛzu, ɣi-gaa-ziɛ gaa-zaɣa-kɛɛ nii ma, ‘Kaa yɔwɔ̃itiɛ te kuuwui zu, faa-ɓaa sɛɓɛi ɓɔɔ te levesu su?’ Na ɣa ɣɛɛna yɛpɛ e vile ba ya yɛpɛi lɔɔ-zei zuvɛ.