Deuteronoma
32 “Muteeleze mina mahalimu, mi nikabulela,
Mi lifasi liutwe manzwi azwa mwa mulomo waka.
2 Litaelo zaka likanela sina pula;
Manzwi aka, akawa sina puka,
Sina pula yenela hande fa bucwañi
Ni sina lufafazani lolukolobisa limela.
3 Kakuli nikazibahaza libizo la Jehova.+
Mubulele za butuna bwa Mulimu waluna!+
5 Ki bona babaezize ka kusaluka.+
Haki bana bahae, mulatu ki wabona.+
Ki lusika lolukopami ni lolubondokile!+
Kana haki yena Ndataa mina yatahisize kuli mube teñi,+
Yena yamibupile ni kumitiisa?
7 Uhupule mazazi a kwamulaho;
Unahanisise lilimo za masika a babapilile kwamulaho.
Ubuze ndataho, mi uka kubulelela;+
Ubuze baana-bahulu bahao, mi baka kuzibisa.
8 Yapahami ka Kufitisisa hanaafile macaba saanda saona,+
Hanaakauhanyize bana ba Adama,*+
Naapumile milulwani ya macaba+
Ka kuya ka palo ya bana ba Isilaele.+
11 Sina mbande yenyanganyisa siyaleto sayona kuli ilute bana bayona kufufa,
Izengana fahalimwaa bana bayona,
Ibapula mafufa ayona, yabaanga,
Kubalwala fa mafufa ayona,+
12 Jehova anosi naamuetelela* cwalo;+
Nekusina mulimu usili yanaali ni yena.+
Amufepa ka linosi zezwa mwa licwe
Ni ka oli yezwa mwa licwe lelitiile,
14 Ka mbata ya likomu ni ka mabisi a lingu,
Hamoho ni lingu zende hahulu,*
Ni lingu zabaana zezwa kwa Bashani, ni lipuli zabaana,
Hamoho ni buloto bobunde hahulu;*+
Mi neunwile waine yezwa fa mulo* wa miselo ya veine.
15 Jeshuruni* hasaanunile, akala kulahaka ka bukwenuheli.
Ki kale ununa, seuli yomukima, ubululuhile.+
Kihaa fulalela Mulimu yamubupile,+
Mi ashwaula Licwe la puluso yahae.
17 Nebaezezanga madimona matabelo, isiñi Mulimu,+
Nebaezezanga milimu yene basazibi,
Milimu yeminca yene sazo taha,
Milimu yene basazibi bo kuku wamina.
19 Jehova habona cwalo, abahana+
Kabakala kuli bana bahae babashimani ni babasizana neba mufoselize.
20 Kiha sali: ‘Nika bapatela pata yaka;+
Nibone sesika ezahala ku bona.
Kabakaleo, nikatahisa kuli babe ni lifufa ka nto yesi sicaba;+
Nika bafoseza ka sicaba sesisina kutwisiso.+
22 Kakuli buhali bwaka butumbuzi mulilo+
Okatuka kuyo fita kwatasaa Libita,*+
Mi bukayongisa lifasi ni zemelile mwateñi
Mi bukacisa mitomo ya malundu.
23 Nika baekeleza kwa liziyezi zabona;
Nika bakunupa masho aka kaufelaa ona.
Nika balumela meeno a libatana kuyo balwanisa+
Ni sifanu sa lihahabe za naha.
25 Kwande, bana babona bakabulaiwa ki mukwale;+
Mwahali, kunani sabo yetuna+
Kwa micaha ni kwa balyanjo,
Kwa limbututu ni kwa baana-bahulu ba limbi.+
26 Nenikabe nibulezi kuli: “Nika bahasanya;
Nikatahisa kuli basike bahupulwa ki batu,”
Mi zali: “Lutuzi ka maata aluna;+
Haki Jehova yaezize ze kaufela.”
29 Kambe nebanani butali!+ Nebaka nahanisisa taba ye.+
Nebaka nahana zeneka baezahalela hasamulaho.+
30 Mutu alimuñwi naakakona cwañi kumatisa batu ba 1,000,
Mi bababeli nebaka lelekisa cwañi batu ba 10,000?+
Konji haiba kuli Licwe labona neli balekisize+
Mi Jehova naabatuhelezi feela.
32 Kakuli likota zabona za veine lizwa kwa Sodoma
Ni kwa njetumuko ya Gomora.+
Miselo yabona ya veine ki sifanu,
Likoyowela zabona za veine zababa.+
33 Waine yabona ki sifanu sa linoha,
Sifanu sesimaswe sa limbumbe.
34 Kikuli likezo zabona hanisika libuluka,
Ni kulikwahelela mwa sibulukelo saka?+
35 Ki na yakutiseza bumaswe, mi ki na yayolisa misuha,+
Ka nako yateñi yelika sitatala lihutu labona,+
Kakuli lizazi la kozi yabona li fakaufi,
Mi sesi balibelezi sikataha kapili.’
36 Kakuli Jehova ukaatula batu bahae,+
Mi ukashwela batanga bahae makeke*+
Hakabona kuli bafelezwi ki maata,
Ni kuli kusiyezi feela babatokwa tuso ni babafokola.
37 Mi cwale yena ukali: ‘Ikai milimu yabona,+
Lona licwe lene basabezi ku lona,
38 Yona milimu yenecanga mafula a matabelo abona,*
Yenenwanga waine ya linubu zabona za zenwiwa?+
Hainanuhe, imituse.
Haibe masabelo amina.
Ki na yabulaya, mi ki na yapilisa.+
40 Kakuli niyemiseza lizoho laka kwa lihalimu,
Mi nikonka kuli: “Ka na yapila kuya kuile,”+
41 Haiba niloza mukwale waka obenya
Mi naitukiseza kuatula,+
Nikakutiseza bumaswe lila zaka+
Mi nikakutiseza misuha baba nitoile.
42 Nikakolwisa masho aka mali,
Mi mukwale waka ukaca nama,
Ki mali a bababulailwe ni babahapilwe,
Ni litoho za baeteleli ba sila.’
43 Munyakalale, mina macaba, hamoho ni batu bahae,+
Kakuli ukakutiseza bumaswe bane basuluzi mali a batanga bahae,+
Mi ukakutiseza misuha lila zahae+
Mi ukaezeza naha ya batu bahae sebelezo ya kukwahela libi.”*
44 Ka mukwa wo, Mushe ataha mi ato kutela manzwi kaufela a pina ye,+ yena hamoho ni Hoshea*+ mwanaa Nuni, sicaba sinze siikutwela. 45 Mushe hasaafelize kubulelela Maisilaele kaufela manzwi ao kamukana, 46 ali ku bona: “Muise pilu kwa manzwi kaufela eni milemusize kacenu,+ kuli mulaele bana bamina kuli bamamele manzwi kaufela a Mulao wo.+ 47 Kakuli a, haki manzwi asina tuso emubulelezwi, kono ki a bupilo bwamina,+ mi ka ona mukapila nako yetelele mwa naha yemusilela Jordani kuyo iluwa.”
48 Isali ka lona lizazi leo, Jehova ali ku Mushe: 49 “Kambamela ku leliñwi la malundu a Abarimi,+ lona Lilundu la Nebo,+ leli mwa naha ya Moabi, kulibana ni Jeriko, mi ubone naha ya Kanana yenifa Maisilaele kuli bailuwe.+ 50 Mi ukashwela fa lilundu leutuha ukambama ku lona, mi ukabulukiwa sina mone babulukezwi ba sicaba sahao,* sina mwanaashwezi Aruni muhulwanaa hao fa Lilundu la Hori+ mi abulukiwa sina mone babulukezwi ba sicaba sahae, 51 kakuli sibeli samina nemusika sepahala ku na mwahalaa Maisilaele kwa mezi a Meriba,+ kwa Kadeshi, mwa lihalaupa la Zini, kabakala kuli nemusika bonahalisa kukena kwaka fapilaa sicaba sa Isilaele.+ 52 Ukabonela kwahule naha yenifa sicaba sa Isilaele, kono hauna kukena mwateñi.”+