Lisamu
Ku muzamaisi wa lipina wa Nehiloti.* Samu ya Davida.
5 Teeleza kwa manzwi aka, wena Jehova;+
Uutwe sitongo saka.
2 Uteeleze kwa muhuwo waka wa kukupa tuso,
Wena Mulenaaka ni Mulimu waka, kakuli nilapela ku wena.
3 Wena Jehova, ukautwa linzwi laka kakusasana;+
Kakusasana nika kutaluseza pilaelo yaka+ mi nikalibelela ka pilu-telele.
5 Hakuna yaikuhumusa yakona kuyema fapilaa hao.
Jehova utoile batu ba lindwa ni bapumi.*+
7 Kono nikakena mwa ndu yahao+ kabakala lilato lahao lelituna lelisa feli;+
Nikakubama inze nitalimezi kwa tempele yahao yekenile* ka sabo yeni kusaba ka yona.+
8 Wena Jehova, nizamaise mwa kuluka kwahao kabakala lila zaka;
Unilukiseze nzila yahao.+
9 Kakuli zebabulela halisepahali;
Banani milelo yemaswe;
Mumizo wabona ki libita leliatami;
10 Kono Mulimu uka baatula kuli banani mulatu;
Milelo yabona ki yona yeka batahiseza kuwa.+
Balelekelwe kwahule kabakala milatu yabona yemiñata,
Kakuli bakukwenuhezi.
11 Kono batu kaufela babasabela ku wena bakataba;+
Bakahuweleza ka tabo kamita.
Ukatibela bababata kubaeza maswe,
Mi babalata libizo lahao bakataba kabakala hao.
12 Kakuli ukafuyola mutu kaufela yalukile, wena Jehova;
Kubatabela kwahao kukaswana inge tebe yetuna yeebasileleza.+