Lisamu
Ku muzamaisi wa lipina. Samu ya Davida, mutangaa Jehova, yanaabulelela Jehova manzwi a pina ye, ka lizazi lanaa mulamulezi Jehova mwa lizoho la lila zahae kaufela ni mwa lizoho la Saule. Naaize+
18 Nakulata Jehova, wena maata aka.+
2 Jehova ki licwe laka ni musilelezi waka mi ki Yena yanilamulela.+
Mulimu waka ki licwe laka,+ nisabela ku yena,
Ki tebe yaka mi ki lunaka* lolu nipilisa,* ki masabelo aka atiile.*+
3 Nihuweleza ku Jehova, yaswanela kulumbekwa,
Mi nikapiliswa kwa lila zaka.+
4 Nenipotolohilwe ki mihala ya lifu;+
Baana babasina tuso bane bataha sina mezi a muunda neba nisabisize.+
6 Nenihuwelelize ku Jehova hane niziyelehile,
Nazwelapili kuhuweleza ku Mulimu waka kuli anituse.
7 Cwale lifasi lakala kunyanganya ni kuzikinyeha;+
Mitomo ya malundu yazikinyeha
Mi yanyungana kabakala kuli naahalifisizwe.+
8 Mwa lingo zahae kiha kuzwa musi,
Mi mwa mulomo wahae kwazwa mwateñi mulilo ocisa;+
Mashala aatuka azwa ku yena.
10 Azulama kerubimi mi ataha inzaa fufa.+
Ashetumuka ka lubilo inzaa li fa mafufa a sibupiwa sa moya.*+
12 Mwa liseli lene lili fapilaa hae
Kwazwa mwateñi simbwewewe ni mashala aatuka, zapunya malu.
13 Cwale Jehova apalakata sina mushika mwa mahalimu;+
Yapahami ka Kufitisisa autwahaza linzwi lahae+
Ka simbwewewe ni mashala aatuka.
15 Lilaho la linukana* labonahala;+
Mitomo ya naha yapatuluha ka kalimelo yahao, wena Jehova,
Yapatuluha ka buhali bwa moya ozwa mwa lingo zahao.+
16 Aotolola lizoho lahae ali kwahalimu;
Aniswala ni kunicimbula mwa mezi amañata.+
18 Neba nitaselize ka lizazi lene nili mwa kozi,+
Kono Jehova anitusa.
20 Jehova unifa mupuzo kulikana ni kuluka kwaka;+
21 Kakuli nimamezi linzila za Jehova,
Mi hanisika eza kezo yemaswe ya kufulalela Mulimu waka.
22 Likatulo zahae kaufela li fapilaa ka;
Hanina kutula milao yahae.
24 Haike Jehova anife mupuzo kulikana ni kuluka kwaka,+
Kulikana ni kutokwa mulatu kwaka fapilaa hae.+
25 Yasepahala umueza ka kusepahala;+
Yasina mulatu haumufi mulatu;+
26 Ku yakenile ubonisa kukena kwahao,+
Kono ku yamaswe ubonisa butali bwahao.+
28 Kakuli wena Jehova ki wena yatukisa lambi yaka,
Mulimu waka yanimonyehela mwa lififi leli niapesize.+
Ki tebe kwa batu kaufela babasabela ku yena.+
31 Kakuli ki mañi Mulimu yomuñwi kwandaa Jehova?+
Mi ki mañi licwe yomuñwi kwandaa Mulimu waluna?+
33 Ufa mahutu aka lubilo loluswana ni lwa lizwii;
Uniyemisa fa libaka zelumbile.+
34 Uluta mazoho aka mwakulwanela;
Mazoho aka akona kuhoha buta bwa kopa.
35 Unifa tebe yahao yeenipilisa,+
Lizoho lahao la bulyo ki lona leli nitusa,*
Mi buikokobezo bwahao bunibisa yomutuna.+
37 Nikandongwama lila zaka ni kuliswala;
Hanina kukuta kufitela niliyundisa.
38 Nika litubaka kuli lisike zazuha hape;+
Likawela mwatasaa mahutu aka.
39 Uka nifa maata kuli nikone kulwana;
Ukawiseza lila zaka mwatasaa ka.+
41 Balilela kutusiwa, kono hakuna yabapilisa;
Mane balilokela Jehova, kono haabaalabi.
42 Nika basita, kubaeza busisani sina liluli leli mwa moya;
Nika banepaka sina sileze sa mwa linzila.
43 Uka nilamulela kwa batu bababata kufumana mulatu ku na.+
Uka niketa kuba toho ya macaba.+
Batu benisa zibi baka nisebeleza.+
44 Zebaka utwa likatahisa kuli baniutwe;
Bazwahule bakato koza fapilaa ka.+
45 Bazwahule bakafelelwa ki bundume;*
Bakataha inze bangangama kuzwa kwa libaka zabona za silelezo.
46 Jehova wapila! Kulumbekwe Licwe laka!+
Haike Mulimu yanipilisa apahamiswe.+
47 Mulimu wa niti ukutiseza bumaswe baba nieza maswe;+
Ukokobeza macaba mwatasaa mahutu aka.
48 Unilamulela kwa lila zaka zehalifile;
Ki wena yanipahamisa fahalimwaa baba nilwanisa;+
Ki wena yanipilisa ku mutu wa lindwa.