Liproverbia
1 Ki a mashitanguti a Salumoni,+ mwanaa Davida,+ mulena wa Isilaele+
2 Atusa mutu kuba ni* butali+ ni kuamuhela kalimelo;
Kuutwisisa lipulelo za butali;
3 Kuamuhela kalimelo+ yefa kutwisiso,
Kuluka,+ katulo yende,*+ ni busepahali;*
4 Afa butali+ ku mutu yasina zibo;
Afa mutangana zibo ni maata a kunahana.+
5 Mutu yabutali wateeleza ni kuamuhela lituto zeñata;+
Mutu yanani kutwisiso ufumana ketelelo yende*+
6 Kuli autwisise lishitanguti ni pulelo yezinga,*
Manzwi a bababutali ni lipulelo zabona zetibile.+
7 Kusaba* Jehova ki ona makalelo a zibo.+
Ki likuba feela zenyaziseza butali ni kalimelo.+
10 Mwanaka, baezalibi habaka kucoweza, usike walumela.+
11 Habaka kubulelela kuli: “Aluye hamoho.
Aluye luyo bandamena, lusulule mali.
Lukaipata, lulibelele batu babasina mulatu, babasika lufoseza.
12 Luka bamiza basapila inge moliezezanga Libita,*
Bamiziwe mutumbi, sina babashetumukela mwa mukoti.
13 Lubaamuhe tutu yabona kaufela ya butokwa;
Lukataza mandu aluna ka lika zeluka hapa.
14 Taha uto luswalisa,
Mi kaufelaa luna lukaikabela ka kulikanelela zeluuzwa.”*
15 Mwanaka, usike wabalatelela.
Mahutu ahao asike afita mwa nzila yabona,+
16 Kakuli mahutu abona amatela kwa kueza bumaswe;
Baakufela kuyo sulula mali.+
17 Hakuna tuso ya kuteya kanyandi nyunywani inze ibona.
18 Ki lona libaka hababandamena batu kuli basulule mali;
Baipata kuli bafeze bupilo* bwa babañwi.
19 Zeo ki zona linzila za bababata kufuma ka kusasepahala,
20 Butali bwa niti+ buhuweleza mwa mukwakwa.+
Buzwelapili kutumusa kwa linzwi mwa mapatelo.+
21 Bwabiza fa kona ya mikwakwa yepatehile.
Kwa makenelo a minyako ya muleneñi bubulela kuli+
22 “Mina babasina zibo, mukaanga nako yekuma kai inze mulata kutokwa zibo?
Mina basheununi, mukaanga nako yekuma kai inze mutabela kusheununa?
Ni mina likuba, mukaanga nako yekuma kai inze mutoya zibo?+
Mi nika misululela moya waka;
Nika mizibisa manzwi aka.+
24 Kakuli nenibizize, kono mwazwelapili kuhana,
Neniotolozi lizoho laka, kono hakuna yanaaisa pilu ku na,+
25 Nemunze mukeshebisa likelezo zaka kaufela
Ni kuhana kalimelo yaka,
26 Ni na nika miseha hamuka tahelwa ki kozi;
Nika misheununa, zemusaba halika mitahela,+
27 Zemusaba halika mitahela sina liñungwa,
Ni kozi yamina haika fita sina moya wa liñungwa,
Hamuka tahelwa ki ñalelwa ni butata.
28 Ka nako yeo, bakazwelapili kunibiza, kono hanina kualaba;
Baka nibata-bata, kono habana kunifumana,+
29 Kabakala kuli nebatoile zibo,+
Mi nebasika iketela kusaba Jehova.+
30 Nebahanile kelezo yaka;
Bashwaula likalimelo zaka kaufela.
32 Kakuli kusautwa kwa babasina zibo kuka babulaya,
Mi kusaiyakatwa kwa likuba kuka liyundisa.