Liproverbia

 2 Ki sika mañi senika kubulelela, wena mwanaka,

Nika kubulelelañi, wena mwana yazwile mwa mba yaka,

Mi ki sika mañi senika kubulelela, wena mwana wa buitamo bwaka?+

 3 Usike wasinyeza maata ahao kwa basali,+

Kamba kulatelela linzila zesinya malena.+

 4 Wena Lemuele, malena habaswaneli kueza cwalo,

Malena habaswaneli kunwa waine

Kamba kuli babusi babulele kuli: “Bucwala bwaka bukai?”+

 5 Ilikuli basike banwa ni kulibala mulao,

Ni kutibela liswanelo za babotana.

 6 Ufe bucwala ku babashwa+

Ni waine ku babaziyelehile hahulu.+

 7 Banwe kuli balibale bubotana bwabona;

Basike bahupula butata bwabona hape.

 8 Bulela mwa sibaka sa batu babasa koni kuipulelela;

Uyemele liswanelo za batu kaufela babashwa.+

 9 Ubulele mi uatule ka kuluka;

Uyemele liswanelo za* babanyandile ni za babotana.+

11 Muunaa hae umusepile ka pilu yahae,

Mi hakuna nto ya butokwa yatokwile.

12 Musali yo umuezeza lika zende, isiñi zemaswe,

Mwa mazazi a bupilo bwahae kaufela.

13 Uipatela boya bwa folofolo ni lisila la line;

Utabela kusebeza ka mazoho ahae.+

14 Uswana sina lisepe za mulekisi,+

Utisa lico zahae kuzwa kwa sibaka sa kwahule.

15 Hape uzuhanga isali busihu,

Kuli afe ba ndu yahae lico

Ni batanga bahae babasali likabelo.+

16 Unahana za kuleka simu mi waileka;

Ucala simu ya veine ka zafumana fa misebezi ya mazoho ahae.*

17 Uitukiseza kusebeza ka taata,*+

Mi utiisa mazoho ahae.

18 Ubonanga teñi kuli pisinisi yahae yamufumanisa;

Busihu lambi yahae haitimi.

19 Mazoho ahae aswala kakota fokutatelwa bwanda,

Mi mazoho ahae aswala sela.+

20 Ufumbutululela yashebile sata sa lizoho lahae,

Mi uotololela babotana mazoho ahae.+

21 Haikalelwi za ba ndu yahae kabakala litwa,

Kakuli ba ndu yahae kaufela baapala liapalo zefutumala.*

23 Muunaa hae uzibahala hahulu mwa minyako ya muleneñi,+

Kwainanga mwahalaa baana-bahulu ba naha.

24 Ulukanga ni kulekisa liapalo* za line

Mi ulekisanga makanda kwa balekisi.

25 Uapezi maata ni bunde,

Mi utalima kwapili ka sepo.*

26 Mulomo wahae hauatama, kuzwa manzwi a butali;+

Mulao wa sishemo* u fa lulimi lwahae.

27 Ubona misebezi yebaeza ba ndu yahae,

Mi haaci sinkwa sa buzwa.+

28 Bana bahae bayema ni kushaela kuli ki yatabile;

Muunaa hae wayema mi wamulumba.

29 Kunani basali babañata ba miswalo,*

Kono wena—wabafita kaufelaa bona.

30 Kubuheha kwakona kupuma, mi bunde ki bwa nakonyana feela,*+

Kono musali yasaba Jehova ukalumbiwa.+

31 Mumufe mupuzo kabakala zaeza,*+

Mi alumbiwe ki misebezi yahae mwa minyako ya muleneñi.+